De conformidade co disposto nos artigos 44, 46 e 89 da Lei 39/2015, do 1 de outubro, do procedemento administrativo común das administracións públicas, notifícase a Vaiben-Cons, S.L. con CIF B15644024 e a Promociones e Inversiones Rivero y Graña, S.L. con CIF B70008024, a proposta de resolución do expediente sancionador co nº 2021/X998/000018, instruído por infracción grave tipificada no artigo 15.a) da Ordenanza municipal non fiscal reguladora da xestión da biomasa e distancias das plantacións do Concello de Ponteceso (publicada no BOP nº 187, do 1 de outubro de 2018), por non proceder á xestión da biomasa na parcela urbana con ref. catastral 9176943NH0887N0001PX cos criterios establecidos nesta ordenanza, unha vez notificada a súa obriga e despois de serlles notificada a valoración do seu custo, cando exista risco inminente de incendio para as vivendas e persoas, propoñéndose unha sanción por importe de 601,00 €, en aplicación do artigo 17.1.b) da ordenanza, xa que intentada a notificación no último domicilio coñecido dos interesados, esta non se puido practicar.
Os interesados dispoñen dun prazo de quince días hábiles, contados desde o seguinte ao da publicación do presente anuncio, para achegar cantas alegacións, documentos ou informacións consideren convenientes á súa defensa, segundo o establecido no artigo 89 da Lei 39/2015, do 1 de outubro, do procedemento administrativo común das administracións públicas. Así mesmo, poderán examinar, dentro deste prazo, o expediente nas oficinas xerais do Concello de Ponteceso, das 9.00 ás 14.00 horas, todos os días laborables, para os efectos de coñecer o seu contido íntegro.
O órgano competente para resolver o expediente é o alcalde ou concelleiro no que delegue, segundo o previsto no artigo 12 da citada ordenanza municipal.
Ponteceso, 3 de maio de 2021
Xosé Lois García Carballido
Alcalde