A Orde do 21 de xaneiro de 2021 aproba os diferentes modelos de autoliquidación do imposto sobre sucesións e doazóns na Comunidade Autónoma de Galicia e regula o procedemento e as condicións para o seu pagamento e presentación, así como determinadas obrigacións formais e de subministración de información tributaria.

A Lei 11/2021, do 14 de maio, de recuperación da terra agraria, modifica, entre outros aspectos, o texto refundido das disposicións legais da Comunidade Autónoma de Galicia en materia de tributos cedidos polo Estado, aprobado polo Decreto lexislativo 1/2011, do 28 de xullo, no sentido de establecer novas deducións fiscais no imposto de sucesións e doazóns destinados a fomentar actuacións de recuperación e mobilidade das terras de Galicia.

Todo o exposto fai necesario modificar o modelo correspondente á autoliquidación do imposto de sucesións e doazóns, modelo D650, aprobado pola Orde do 21 de xaneiro de 2021, para reflectir nel estes cambios normativos, para o cal é competente a persoa titular da Dirección da Axencia Tributaria de Galicia con base na habilitación normativa prevista na disposición adicional sexta da devandita orde

En consecuencia,

resolvo:

Primeiro

Modificar, no anexo II da Orde do 21 de xaneiro de 2021, a páxina12, solicitude de reducións non aplicables de oficio, do modelo D650, que pasa a ser o seguinte:

Segundo

Esta resolución entrará en vigor o día seguinte ao da súa publicación no Diario Oficial de Galicia.

Santiago de Compostela, 14 de maio de 2021

Mª Victoria González Vázquez
Directora da Axencia Tributaria de Galicia