O Pleno do Concello, na sesión que tivo lugar o 8 de abril de 2021, acordou aprobar inicialmente o documento técnico denominado Modificación puntual do PXOM no polígono POL O30.1 e no PE O29. Documento para a aprobación inicial. Marzo 2021, redactado polo arquitecto Julián B. López Sáenz, por encarga do Concello da Coruña.

En cumprimento do artigo 60.6 da Lei 2/2016, do 10 de febreiro, do solo de Galicia, e dos artigos 144.6 e 207 do seu regulamento, sométese o expediente á información pública polo prazo de dous (2) meses, contado desde o día seguinte ao da última das publicación deste anuncio, no Diario Oficial de Galicia ou nun dos xornais de maior difusión na provincia, para que calquera persoa poida examinar a modificación puntual e formular as alegacións que procedan.

A documentación estará á disposición no taboleiro de anuncios da sede electrónica do Concello, no punto de información pública, na web de Urbanismo e no visor Desensolvemento do planeamento. Tamén poderá consultarse fisicamente nas dependencias da Área de Urbanismo, Vivenda, Infraestruturas e Mobilidade do Concello da Coruña (praza de Indalecio Prieto, 1-3), das 9.00 ás 13.00 horas, logo da cita que se solicitará por escrito no Rexistro Municipal ou no enderezo electrónico registrourbanismo@coruna.es

A Coruña, 30 de abril de 2021

A alcaldesa
P.D. (Dispositivo terceiro, letra e) do Decreto 3847, do 27.6.2019)
Juan Manuel Díaz Villoslada
Concelleiro delegado de Urbanismo, Vivenda, Infraestruturas e Mobilidade