Rubén Pérez Fontán, en nome e representación de Pinturas Marinas Vigo, S.L., solicita a modificación substancial da concesión administrativa para explotación dun varadoiro no dominio público portuario de Meira, para construír unha nave para realización de reparacións a cuberto, segundo o proxecto titulado «Solicitude para instalación de nave lixeira e desmontable na zona de varada do porto de Meira. Moaña, Pontevedra», redactado polo enxeñeiro de camiños, canais e portos Fernando López Mera en decembro de 2020.

O que se fai público, para os efectos previstos no artigo 70.2 da Lei 6/2017, do 12 de decembro, de portos de Galicia (DOG núm. 236, do 14 de decembro), para que as persoas e entidades interesadas poidan examinar o expediente e presentar por escrito as alegacións que consideren oportunas nas oficinas da Zona Sur de Portos de Galicia, sitas na rúa Víctor Said Armesto, 1-1º, 36002 Pontevedra, no prazo de vinte (20) días hábiles, contados a partir do seguinte ao da publicación do presente anuncio no Diario Oficial de Galicia.

Pontevedra, 17 de marzo de 2021

Mateo Ruibal Fernández
Xefe da Zona Sur