En cumprimento do disposto no artigo 13.3 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que, na correspondente oficina pública de depósito de estatutos de organizacións sindicais e empresariais desta dirección xeral, acordouse depositar o acordo de modificación dos estatutos da Asociación Empresarial de Festivais de Galicia.
Ámbito territorial: Comunidade Autónoma de Galicia.
Ámbito profesional: a asociación integrará a todos os empresarios tanto a título individual como ás sociedades e outras persoas xurídicas que teñan o domicilio social e fiscal no territorio da Comunidade Autónoma de Galicia e cuxa actividade profesional sexa a de organizador de festivais profesionais de música, coa condición de que reúnan os requisitos, e a demostren no ano natural anterior á solicitude.
Asinante: Juan Luis Piñeiro Quintáns.
Santiago de Compostela, 17 de marzo de 2021
Elena Mancha Montero de Espinosa
Directora xeral de Relacións Laborais