En cumprimento do disposto no artigo 13.3 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que, na correspondente oficina pública de depósito de estatutos de organizacións sindicais e empresariais desta dirección xeral, acordouse depositar o acordo de inscrición dos estatutos da Federación de Asociaciones de Empresas Instaladoras de Galicia (Faeiga).

Ámbito territorial: Comunidade Autónoma de Galicia.

Ámbito profesional: poden ser membros da federación as asociacións provinciais que soliciten voluntariamente o seu ingreso na federación, con independencia de onde radique o seu domicilio social, cuxa actividade estea incluída no ámbito da federación. Só se admitirá a unha asociación por provincia.

Asinantes: José López Amoedo, Daniel Rois Trastoy, Esteban Ferreiro Gavilanes, David Blanco Alonso, Pedro Álvarez López, José Antonio Quintas Pérez, José Pablo Crespo Correa, Fernando Fernández, Álvaro González Vicente, Jesús Montero Castelo, Julio Rodríguez Olmo e Manuel José Bello Fernández.

Santiago de Compostela, 17 de marzo de 2021

Elena Mancha Montero de Espinosa
Directora xeral de Relacións Laborais