Ás 14.00 horas do día 10 de maio de 2021 terá lugar no salón de actos da sede situada na rúa Ourense, 6, 15701 Santiago de Compostela, perante a mesa composta por Nathalia Martins, María Posada e Susana Vázquez, a poxa pública dos seguintes bens inmobles propiedade de Xesgalicia, S.G.E.I.C., S.A.U., cuxo alleamento foi acordado polo Consello de Administración o 29 de marzo de 2021.

Lotes (*)	Prezo mínimo de licitación (sen IVE)
Lote 1: Edificio industrial e anexo terminado situado na rúa Galega, s/n, de Viana do Bolo, Ourense, con núcleo postal Bembibre (Santo André).	50.705,29 €
Lote 2: Predio rústico. Lugar de Rañal, Oseiro, Arteixo, polígono 1, parcela 15.	84.272,05 €
Lote 3: Conxunto de varios predios rústicos. Lugar Mandiá, polígono 501, parcelas 3327-3369-3517 e 3528.	131.253,62 €
Lote 4: Conxunto de varios predios rústicos. Cruce Padrón, A Coruña, polígono 503, parcela 12, 21, 36, 44, 45 y 50.	102.029,13 €
Lote 5: Baixo local comercial na r/ travesía da Eiriña, nº 16, planta PB, Pontevedra.	235.376,90 €

(*) As bases que rexen a presente poxa (no anexo II) ofrecen información complementaria relativa á composición e natureza dos activos que compoñen os lotes.

Para tomar parte na poxa é requisito indispensable consignar o 5 % do importe de saída do/dos lote/s, en concepto de fianza, mediante aval ou ingreso en metálico, que deberá ser efectuado con anterioridade á solicitude do lote. As ofertas deberán ser presentadas, segundo o exposto nas bases que rexen a presente poxa, antes das 14.00 horas do día 5 de maio de 2021.

Serán por conta dos adxudicatarios os custos dos anuncios, así como os orixinados pola adxudicación e formalización da escritura pública de venda; os demais gastos e impostos derivados da transmisión serán de aplicación conforme o disposto na lei.

As bases que rexen a presente poxa están á disposición dos interesados na sede social de Xesgalicia, S.G.E.I.C., S.A.U., rúa Ourense, nº 6, 15701 (Santiago de Compostela), así como na páxina web: http://www.xesgalicia.gal.

Teléfono de información: 981 54 16 21.

Santiago de Compostela, 31 de marzo de 2021

Rubén Aguión Seoane
Director xeral de Xesgalicia, S.G.E.I.C., S.A.U.