O artigo 26 do Real decreto lexislativo 1/2016, do 16 de decembro, polo que se aproba o texto refundido da Lei de prevención e control integrados da contaminación (Boletín Oficial del Estado núm. 316, do 31 de decembro), regula a revisión das autorizacións ambientais integradas.
Os artigos 15 e 16 do Real decreto 815/2013, do 18 de outubro, polo que se aproba o Regulamento de emisións industriais e de desenvolvemento da Lei 16/2002, do 1 de xullo, de prevención e control integrados da contaminación (Boletín Oficial del Estado núm. 251, do 19 de outubro de 2013), regulan o procedemento de revisión das autorizacións ambientais integradas.
Para os efectos previstos no artigo 15.5.a) do Real decreto 815/2013, sométese a información pública, durante un período de 20 días hábiles contados a partir do día seguinte ao da publicación deste anuncio no Diario Oficial de Galicia, o documento titulado:
«Proxecto de revisión da modificación da AAI. Explotación industrial porcina tipo mixto situada na parroquia do Sisto-Concello de Dozón (Pontevedra)».
Para que calquera interesado poida consultalo e, de ser o caso, presentar dentro do citado prazo as alegacións, suxestións ou observacións que considere convenientes.
O documento estará á disposición dos administrados nas dependencias da Dirección Xeral de Calidade Ambiental, Sostibilidade e Cambio Climático, Servizo de Prevención e Control Integrados da Contaminación, en horario de atención ao público (rúa de San Lázaro, s/n, Santiago de Compostela). Ademais, tamén se poderá consultar na páxina web da Consellería de Medio Ambiente, Territorio e Vivenda (http://cmatv.xunta.gal/>>medio ambiente e sostibilidade>>prevención e control de actividades>>autorización ambiental integrada >>proxectos en información pública).
Santiago de Compostela, 25 de febreiro de 2021
María Sagrario Pérez Castellanos
Directora xeral de Calidade Ambiental, Sostibilidade
e Cambio Climático
ANEXO I
Memoria resumo
Expediente: 2019-IPPC-M-097.
Núm. da autorización ambiental integrada: 2006/0064_NAA/IPPC_066.
Categoría principal da actividade: anexo I, grupo 9.3.c.
Titular: Adolfo Campos Panadeiros.
NIF: 35234918E.
Enderezo social: avda. Luis González Taboada, nº 5, 1º, Lalín (Pontevedra).
Localización da instalación: A Rocha, parroquia do Sisto, concello de Dozón (Pontevedra).
Actividade principal: explotación porcina industrial tipo mixto.
Descrición: a explotación porcina consta de 1.625 porcas nais, das cales 325 se explotan en ciclo pechado e as restantes 1.300 en ciclo mixto con leitóns ata 20 kg. Ademais, dispón de verróns para a inseminación das porcas. A instalación posúe un conxunto de fosas interiores e fosas exteriores cubertas que garanten o almacenamento do xurro producido en 6 meses.
Verteduras: as aguas xeradas na limpeza das naves e as augas sanitarias da explotación son recollidas e conducidas cara ao sistema de fosas de xurro e xestiónanse conxuntamente con este. As augas pluviais verteranse directamente ao terreo, sen depuración previa.
Unha porcentaxe do xurro xerado será valorizada como fertilizante en parcelas de uso agrícola e outra porcentaxe será recollida por un xestor autorizado.