A Xunta de Goberno local, en sesión ordinaria celebrada o día 25 de febreiro de 2021, acordou aprobar inicialmente a modificación do estudo de detalle do ámbito dotacional remitido a ordenación especial OE-L2, sito na 1ª Travesía da rúa Eusebio Bértoa Queijo da Laracha, na parcela 3385610NH3838N, clasificada polo PXOM como solo urbano consolidado, con destino a sistemas xerais de equipamentos asistenciais de carácter público.

O expediente sométese a información pública por prazo dun mes coa finalidade de que quen o desexe poida examinalo e deducir, durante o citado prazo, cantas alegacións ou observacións considere oportunas. A documentación está á disposición no Departamento de Urbanismo do Concello da Laracha, das 10.00 ás 14.00 horas, e na sede electrónica do Concello (https//sede.alaracha.gal).

A Laracha, 3 de marzo de 2021

José Manuel López Varela
Alcalde