Antecedentes:

Por resolución do director da Axencia Galega de Infraestruturas de 8 de marzo de 2021 aprobouse provisionalmente o contido do documento para información pública do proxecto de construción dunha senda na PO-548 (p.q. 2+970-3+200) e continuidade nunha vía municipal, de clave PO/19/072.06.

A Lei 8/2013, do 28 de xuño, de estradas de Galicia, determina no seu artigo 6.2 que os espazos destinados a sendas para peóns ou para a circulación de ciclistas teñan a consideración de elementos funcionais da estrada. Tendo en conta este precepto, a Xunta de Galicia elaborou a Estratexia en materia de mobilidade alternativa de Galicia, entre cuxos obxectivos está o fomento dos sistemas de transporte alternativos aos motorizados que permitan minimizar as repercusións sobre o ambiente e os seus impactos sociais e económicos.

O obxecto do proxecto é a execución dunha nova senda peonil na PO-548, no concello de Valga que, permita dar continuidade á xa existente e habilitar un espazo seguro para viandantes, así como a reordenación da intersección existente no punto quilométrico (p.q.) 3+910 para impedir a realización de movementos que provocan situacións de risco.

Considerando todo o exposto e o establecido na normativa vixente,

RESOLVO:

Primeiro. De acordo co establecido no artigo 21.1 da Lei 8/2013, do 28 de xuño, de estradas de Galicia, e no artigo 50 do Decreto 66/2016, do 26 de maio, polo que se aproba o Regulamento xeral de estradas de Galicia, o mencionado proxecto de construción sométese ao trámite de información pública durante un período de trinta (30) días hábiles, contados a partir do seguinte ao da publicación deste anuncio no Diario Oficial Galicia, para que as persoas que o consideren oportuno poidan formular por escrito, ante a Axencia Galega de Infraestruturas, as observacións que crean convenientes relativas á concepción global do trazado deseñado.

Segundo. Simultaneamente ao trámite sinalado no parágrafo anterior, e para os efectos previstos no artigo 56.1 do Decreto do 26 de abril de 1957, polo que se aproba o Regulamento de expropiación forzosa, sométese a información pública a relación individual de bens, dereitos e propietarios afectados pola realización da obra correspondente, para que os afectados presenten cantas alegacións ou rectificacións consideren convenientes canto aos bens e dereitos descritos na relación anexa.

Terceiro. Do mesmo xeito, sométese o presente proxecto á información pública para os efectos do establecido no Real decreto 849/1986, do 11 de abril, polo que se aproba o Regulamento do dominio público hidráulico, en relación coa protección do dominio público hidráulico e coas actuacións neste ou na súa zona de policía.

Cuarto. A exposición ao público, para os efectos da presente resolución, realízase na Axencia Galega de Infraestruturas (San Caetano, s/n, 15781 Santiago de Compostela), no Servizo de Infraestruturas de Pontevedra (avda. María Victoria Moreno, 43-1º, 36071 Pontevedra), e na Casa do Concello de Valga (avenida da Coruña, 14, 36645 Valga, Pontevedra).

Así mesmo, na páxina web da Consellería de Infraestruturas e Mobilidade, (https://infraestruturasemobilidade.xunta.gal/organizacion/c/CIV_Axencia_Galega_de_Infraestruturas) atópase á disposición dos interesados o documento completo do proxecto de construción.

Santiago de Compostela, 12 de marzo de 2021

Francisco Menéndez Iglesias
Director da Axencia Galega Infraestruturas

ANEXO

Relación de bens, dereitos e propietarios afectados

Proxecto de construción

Senda na PO-548 (p.q. 2+970-3+200) e continuidade nunha vía municipal

Clave: PO/19/072.06

Concello de Valga.

Nº	Ref. catastral	Titular	DNI	Situación básica do solo	Sup. parcela	Sup. exprop.	Bens afectados
001	360056A043005260000AZ	Zona Arosa, S.L.	B36443299	Rural	822	112,15	37,50 m2 muro de bloque/25 ml malla simple
002	360056A043006700000AP	Becerra Campaña, Amparo	***3836**	Rural	472	162,61
003	360056A043005470000AK	En investigación, art. 47 da Lei 33/2003	----	Rural	836	163,17
004	360056A043006690000AT	Becerra Campaña, Amparo Rial Ferro, José Ramón (Hros. de)	***3836** ***4111**	Rural	190	17,44
005	360056A043005460000AO	Bandín García, Ramón Demetrio Pardal Gil, Felicidad Victoria (Hros. de)	***3532** ***5809**	Rural	286	29,20
006	360056A043005440000AF	Montes Vec. Man Común PQ. Cordeiro	V36116770	Rural	252	43,49
007	360056A043005430000AT	San Marco Castromán, Baldomero (Hros. de)	***3848**	Rural	271	56,66
008	360056A043005420000AL	Sobrino Castromán, Enrique	***0822**	Rural	509	97,96
009	360056A043005410000AP	Castromán Castiñeiras, Dolores	----	Rural	526	115,36
010	360056A042004690000AT	Montes Vec. Man Común PQ. Cordeiro	V36116770	Rural	7.766	4,43
011	360056A042004700000AP	Concello de Valga	P36005600J	Rural	7.870	330,44
012	360056A043006920000AH	Montes Vec. Man Común PQ. Cordeiro	V36116770	Rural	2.178	349,43
013	360056A043005400000AQ	Seares Seares, Raimundo	-----	Rural Urbanizado	3.115	534,07 4,45
014	360056A043005390000AL	Arcebispado de Santiago de Compostela	R1500020A	Urbanizado Rural	5.532	518,86 14,33
015	360056A043006680000AL	Bandín García, Manuela	***3916**	Rural	139	138,39
016	360056A043005340000AB	Taibo Tojo, Hipólito	***3532**	Urbanizado Rural	904	154,90 84,19
017	360056A043005280000AH	Arcebispado de Santiago de Compostela	R1500020A	Rural	8.192	1.023,85
018	360056A042002040000AA	Becerra Campaña, Amparo	***3836**	Rural	991	7,76
019	360056A042001680000AU	En investigación, art. 47 da Lei 33/2003	-----	Rural	4.212	503,69
020	360056A039000050000AS	Ferro Pardal, María Esther	***1340**	Rural	3.518	86,79	103,50 m2 muro bloque/69 ml malla simple