Visto o expediente para outorgamento de autorización administrativa previa e autorización administrativa de construción da instalación eléctrica que a seguir se describe:
Solicitante: UFD Distribución Electricidad, S.A.
Domicilio social: avenida San Luis, 77, 28033 Madrid.
Denominación: LMTS nova saída subestación Salvaterra, CR e conexión do CR á SAL811 e SAL812.
Situación: Salvaterra de Miño.
Características técnicas: LMT subterránea a 20 kV con condutor RHZ1, estruturada do seguinte xeito:
• 1.730 metros; orixe: subestación Salvaterra; final: centro de reflexión proxectado (CR).
• 520 metros; orixe: CR proxectado; final: LMTS SAL811 que alimenta o centro de transformación nº 15 da Plisan.
• 520 metros; orixe: LMTS SAL811 que alimenta o centro de transformación nº 15; final: LMTS SAL812 que alimenta o centro de transformación nº 7.
Centro de reflexión, cun bloque de celas compacto 3L+TT (3TC), situado na parcela de servizos xerais, na área sur da Plisan, fase II, no municipio de Salvaterra de Miño.
Cumpridos os trámites ordenados na Lei 24/2013, do 26 de decembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 5/2017, do 19 de outubro, de fomento da implantación de iniciativas empresariais en Galicia (DOG nº 203, do 25 de outubro), esta xefatura territorial resolve:
Conceder autorización administrativa previa e autorización administrativa de construción para a dita instalación, cuxas características se axustarán en todas as súas partes ás que figuran no proxecto de execución e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan no expediente.
Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras da instalación autorizada.
Contra a presente resolución, que non é definitiva na vía administrativa, cabe interpor recurso de alzada ante o vicepresidente segundo e conselleiro de Economía, Empresa e Innovación no prazo dun mes, contado a partir do día seguinte ao da notificación ou publicación desta resolución, conforme o establecido no artigo 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpor calquera outro recurso que consideren pertinente.
Pontevedra, 2 de marzo de 2021
Tomás Nogueiras Nieto
Xefe territorial de Pontevedra