No presente órgano xudicial foi interposto recurso contencioso-administrativo número 4031/2021 por A. S. L. fronte á Consellería de Cultura e Turismo contra a desestimación por silencio administrativo do recurso de reposición interposto contra outra Resolución do 17 de xaneiro de 2020 pola que se inclúe no Catálogo de patrimonio cultural de Galicia o conxunto formado pola fonte, mina, lavadoiro e traída con canle de Canasteves, en Ponteceso.

Polo que, en cumprimento da dilixencia de ordenación da data de hoxe e do establecido no artigo 47.2 da LXCA, se concede un prazo de quince días para a comparecencia de quen teña interese lexítimo en soster a conformidade con dereito da disposición, acto ou conduta impugnados.

A Coruña, 4 de marzo de 2021

José Miguel Formoso Sobrado
Letrado da Administración de xustiza