A instrutora do procedemento intentou citar o interesado para darlle a oportunidade de prestar declaración antes do prego de cargos ou proposta de sobresemento. Os intentos de notificación realizáronse no domicilio da persoa interesada, a través do servizo de Correos, e tamén mediante a posta á disposición electrónica, intentos que resultaron infrutuosos. Por tal motivo, de conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, procédese á publicación deste anuncio para que sirva de notificación á persoa interesada. A continuación identifícase a persoa interesada, a referencia do procedemento e o trámite a que se convoca:

Persoa citada: 33278493T.

Procedemento: SXRH-PD-14/20.

Trámite: citación para o día 6.4.2021, ás 10.00 horas, no Servizo Territorial da Inspección Educativa de Pontevedra (sito na avenida María Victoria, núm. 43, 7º andar, en Pontevedra), co obxecto de comparecer perante a instrutora para a toma de declaración antes do prego de cargos ou proposta de sobresemento.

Se a persoa citada non comparece na data indicada, continuarase o procedemento cos actos que resulten procedentes en dereito.

Santiago de Compostela, 8 de marzo de 2021

Manuel Vila López
Secretario xeral técnico da Consellería de Cultura,
Educación e Universidade