Primeiro. A Orde do 30 de decembro de 2019 pola que se establecen as bases reguladoras do Programa do bono das persoas autónomas e se procede á súa convocatoria para o ano 2020 (código de procedemento TR341Q) (Diario Oficial de Galicia número 22, do 3 de febreiro de 2020), establece no seu artigo 5 que a concesión das subvencións previstas nesta orde estará suxeita á existencia de crédito orzamentario. De ser o caso e de acordo co disposto no artigo 31.4 da Lei 9/2007, de subvencións de Galicia, publicarase mediante resolución da persoa titular da Secretaría Xeral de Emprego o esgotamento das partidas orzamentarias asignadas.
Segundo. A Orde do 30 de decembro de 2019 establece no seu artigo 5 que a citada orde se financiará cos seguintes créditos:
Liña 1: aplicación orzamentaria 09.40.322C.470.6, cun crédito de 500.000 €.
Liña 2: aplicación orzamentaria 09.40.322C.770.0, cun crédito de 4.500.000 €.
Terceiro. Unha vez revisadas e ordenadas todas as solicitudes presentadas, a derradeira solicitude que se puido conceder da liña 2 antes do esgotamento do crédito foi a TR341Q/2020/750-2, presentada na sede electrónica o día 5 de febreiro de 2020 ás 13.30 horas.
En virtude do anterior, a persoa titular da Dirección Xeral de Emprego, Traballo Autónomo e Economía Social, por delegación da Conselleira de Emprego e Igualdade,
RESOLVE:
Ordenar a publicación no Diario Oficial de Galicia do esgotamento do crédito con cargo á aplicación orzamentaria 09.40.322C.770.0, ao abeiro da Orde do 30 de decembro de 2019 pola que se establecen as bases reguladoras do Programa do bono das persoas autónomas e se procede á súa convocatoria para o ano 2020, para a liña 2 con data do 5 de febreiro de 2020 ás 13.30 horas.
Santiago de Compostela, 5 de marzo de 2021
Covadonga Toca Carús
Directora xeral de Emprego, Traballo Autónomo
e Economía Social