Pola presente, e de conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas (BOE nº 236, do 2 de outubro), notifícanselles as persoas físicas e xurídicas que a continuación se mencionan, titulares de establecementos turísticos, as resolucións dos procedementos administrativos de carácter sancionador en materia de turismo por infracción administrativa grave da Lei 7/2011, do 27 de outubro, do turismo de Galicia (DOG nº 216, do 11 de novembro), e que, intentadas polos medios habituais, non se puideron practicar.
As/os interesadas/os poderán examinar os seus expedientes, e recoller as resolucións mediante comparecencia nas dependencias desta Axencia Turismo de Galicia situadas na estrada de Santiago-Noia, km 3, A Barcia, de Santiago de Compostela (A Coruña).
Contra as ditas resolucións, que poñen fin á vía administrativa, as/os interesadas/os poderán interpoñer recurso de reposición ante a titular da Axencia Turismo de Galicia no prazo dun (1) mes, ou ben recurso contencioso-administrativo no prazo de dous (2) meses, desde o día seguinte ao desta publicación, de conformidade co establecido nos artigos 8.2.b), 14.1 segunda e 46 da Lei 29/1998, do 13 de xullo, reguladora da xurisdición contencioso-administrativa.
Expediente: TUSAN1 2020/007-2.
RITGA-E-2020-001166.
Sancionada: RB Hoteles S.L.
NIF nº: B65....68.
Último enderezo: rúa Verxeles, 3, baixo.
Localidade: Viveiro (Lugo).
Preceptos infrinxidos: artigo 110.1 da Lei 7/2011, do 27 de outubro, do turismo de Galicia.
Resolución: sanción de multa de 1.600 euros.
Expediente: TUSAN1 2019/137-1.
RITGA-E-2019-007475.
Sancionado: Caparrós, Francisco.
NIF nº: 33....80N.
Último enderezo: rúa San Pedro de Mezonzo, nº 28 b.
Localidade: Santiago de Compostela (A Coruña).
Preceptos infrinxidos: artigo 110.1 da Lei 7/2011, do 27 de outubro, do turismo de Galicia.
Resolución: multa de 901,00 euros.
Comunícaselles que as resolucións desta Axencia Turismo de Galicia poñen fin á vía administrativa sendo por tanto executivas, polo que deberá aboar o importe da multa nos seguintes prazos: a) publicación entre os días 1 e 15 de cada mes, desde a data da publicación ata o día 20 do mes posterior, ou ata o día inmediato hábil seguinte; b) publicación entre os días 16 e último de cada mes, desde a data da publicación ata o día 5 do segundo mes posterior, ou ata o día inmediato hábil seguinte.
O aboamento realizarase mediante os impresos formalizados, que lle serán facilitados nas dependencias desta Axencia. De non efectuarse o ingreso no período voluntario, procederase á exacción da débeda pola vía de constrinximento.
Santiago de Compostela, 26 de febreiro de 2021
María Nava Castro Domínguez
Directora da Axencia Turismo de Galicia