Convocada a provisión, polo sistema de libre designación, dun posto de traballo no Instituto Galego de Promoción Económica, mediante Resolución do 19 de xaneiro de 2021 (DOG núm. 20, do 1 de febreiro), esta dirección xeral
DISPÓN:
Primeiro. Adxudicarlle destino, no posto de traballo que se indica, á empregada pública que se expresa no anexo desta resolución, seleccionada conforme o establecido nas bases da convocatoria, realizada por Resolución deste instituto do 19 de xaneiro de 2021.
Segundo. O cesamento no actual destino da empregada pública que obtivo praza producirase no prazo de tres días, contados a partir do seguinte ao da data da publicación desta resolución no Diario Oficial de Galicia.
Se na data en que debe cesar no seu destino a empregada pública está desfrutando un período de licenza, vacacións ou permiso, o prazo para efectualo empezará a contar a partir do día seguinte ao da súa incorporación.
A toma de posesión da praza adxudicada deberase realizar no prazo de tres días hábiles se non implica cambio de residencia ou de sete días hábiles se comporta cambio de residencia. Cando o/a adxudicatario/a do posto obteña coa súa toma de posesión ou reingreso ao servizo activo, o prazo será de vinte días hábiles, conforme o establecido no artigo 14 do Decreto 93/1991, do 20 de marzo, modificado polo Decreto 166/2013, do 14 de novembro.
Terceiro. A persoa responsable do centro en que cause baixa o/a empregado/a público/a, así como a daquel no que obteña destino, consignarán no título administrativo, dentro do prazo sinalado no punto anterior, as correspondentes dilixencias de cesamento e toma de posesión, das que se dará traslado, mediante copia, á Dirección Xeral da Función Pública.
Cuarto. Contra esta resolución, que esgota a vía administrativa, as persoas interesadas poderán interpoñer recurso potestativo de reposición perante este instituto, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou poderán impugnala directamente perante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 1 de marzo de 2021
Fernando Guldrís Iglesias
Director xeral do Instituto Galego de Promoción Económica
ANEXO
Apelidos e nome: Villajos Grande, Patricia.
DNI (*): *** 5547 **.
Grupo/subgrupo: A1.
Corpo ou escala: corpo superior da Administración xeral da Comunidade Autónoma de Galicia.
Código do posto: IN.IGAPE.00.002.4050100.
Denominación: xerente.
Consellería: Vicepresidencia Segunda e Consellería de Economía, Empresa e Innovación.
Dependencia: Instituto Galego de Promoción Económica.
Localidade: Santiago de Compostela.
