De conformidade co establecido no artigo 49.9 dos estatutos do Colexio Oficial de Protésicos Dentais de Galicia, aprobados mediante o Decreto 304/2008, do 9 de outubro, faise público o contido da acta de proclamación da candidatura electa, para a reelección dos cargos da Xunta de Goberno, formalizada o pasado 2 de marzo de 2021.

Os que subscriben, o presidente, o secretario e vogal da Xunta Electoral das eleccións á Xunta de Goberno do Colexio Oficial de Protésicos Dentais de Galicia, en cumprimento do establecido no artigo 49.9 dos estatutos, certifican:

Que, mediante o acordo adoptado polo Pleno da Xunta de Goberno con data do 19 de decembro de 2020 procedeuse á convocatoria de eleccións e fixouse como día para a súa celebración o día 27 de marzo de 2021.

Que na convocatoria de eleccións observáronse todos os requisitos legais que a celebración destas exixe, como son a súa publicidade, a elección dos membros da Xunta Electoral, a exposición do censo, os prazos de presentación de impugnacións, etc.

Unha vez finalizado o prazo de presentación de candidaturas con data do 27 de febreiro, só foi presentada unha única candidatura. Mediante Acordo da Xunta Electoral do 2 de marzo aprobouse a proclamación da única candidatura presentada, e acordouse así mesmo a omisión da realización dos comicios fixados para o día 27 de marzo de 2021.

A teor do exposto, considerando que só foi presentada unha única candidatura e dado que esta cumpre as condicións requiridas, procédese a proclamar a única candidatura presentada como electa, así, queda constituída a nova Xunta de Goberno do Colexio Oficial de Protésicos Dentais de Galicia como segue:

Presidente: Avelino José Samartín Caamaño.

Vicepresidente: Miguel Ángel Rodríguez Ramos.

Secretario: José Ramón Rey Álvarez.

Tesoureira: María Alicia Rodríguez Díaz.

Poñente de Cultura: Santiago García Ferrón.

Vogal 1ª: Belén Martínez Troncoso.

Vogal 2ª: Laura Casal Fernández.

Vogal 3ª: Lucía Otero Cerdeira.

Vogal 4º: José Caamaño Martínez.

Suplente 1ª: María Lorena Davila Piñeiro.

Suplente 2º: Martín García García.

Suplente 3º: Iván Pereira López.

Suplente 4ª: Sonia Maceda Rodríguez.

Suplente 5ª: Marta Teijeiro González.

Os membros da Xunta Electoral, transcorridos os prazos de impugnación, se os houber, cesarán automaticamente nas súas funcións.

Segundo o disposto no artigo 49.9 publicarase o resultado das eleccións no Diario Oficial de Galicia (DOG) con carácter de urxencia.

E para que produza os efectos oportunos, expídese a presente certificación, asinada polos membros da Xunta Electoral: o presidente, José Antonio Casal Cid; secretaria, María Marta Ríos González, e vogal, Saila López Basanta.

Santiago de Compostela, 2 marzo de 2021

José Antonio Casal Cid
Presidente da Xunta Electoral