Eu, María Mercedes Santos García, letrada da Administración de xustiza do Xulgado do Social número 6 da Coruña, fago saber que no procedemento PO 417/2020, seguido por instancia de Miguel Ángel Rodríguez Borge contra Enercon Noroeste, S.L. e a súa administración concursal, Pronored, S.L.U., Comfica Soluciones Integrales, S.A. e con intervención do Fondo de Garantía Salarial, sobre reclamación de cantidades salariais, se ditou a Sentenza 64/2021, do 11 de febreiro, en que se estima a demanda e contra a cal cabe interpoñer recurso de suplicación, ante o Tribunal Superior de Xustiza, que deberá ser anunciado por comparecencia ou mediante escrito presentado neste xulgado dentro dos cinco días seguintes ao da publicación deste edicto. O texto íntegro da resolución está á disposición dos interesados no propio xulgado.

Para que sirva de notificación en legal forma a Enercon Noroeste, S.L. e Pronored, S.L.U., en ignorado paradoiro, expido este edicto para a súa inserción no Diario Oficial de Galicia.

Advírteselles ás destinatarias que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 17 de febreiro de 2021

A letrada da Administración de xustiza