De acordo co previsto no artigo 15 da Lei 1/2016, do 18 de xaneiro, de transparencia e bo goberno (DOG nº 30, do 15 de febreiro), onde se establece que as consellerías e entidades dependentes da Xunta de Galicia deberán remitir, para a súa publicación no Diario Oficial de Galicia, unha relación dos convenios de colaboración subscritos no cuadrimestre anterior, e en virtude das facultades que teño concedidas,
RESOLVO:
Único. Facer pública a relación de convenios subscritos polo Instituto Galego de Estatística nos meses de setembro, outubro, novembro e decembro de 2020, que se xunta a esta resolución.
Santiago de Compostela, 25 de febreiro de 2021
José A. Campo Andión
Director do Instituto Galego de Estatística
ANEXO
Convenio |
Data da sinatura |
Importe |
Convenio entre o INE, o IGE e a Consellería de Sanidade da Xunta de Galicia para a realización das estatísticas do movemento natural da poboación e defuncións segundo a causa da morte |
5.10.2020 |
0 € |
Convenio de colaboración entre a Universidade de Santiago de Compostela, a Universidade da Coruña, a Universidade de Vigo e o Instituto Galego de Estatística para a realización de prácticas de estudantes do máster universitario en Técnicas Estatísticas |
27.10.2020 |
0 € |
Convenio de colaboración entre a Amtega e o IGE para optimizar as operacións estatísticas no ámbito da sociedade da información: fogares e empresas |
23.11.2020 |
0€ |