O artigo 26 do Real decreto lexislativo 1/2016, do 16 de decembro, polo que se aproba o texto refundido da Lei de prevención e control integrados da contaminación (Boletín Oficial del Estado núm. 316, do 31 de decembro), regula a revisión das autorizacións ambientais integradas.
Os artigos 15 e 16 do Real decreto 815/2013, do 18 de outubro, polo que se aproba o Regulamento de emisións industriais e de desenvolvemento da Lei 16/2002, do 1 de xullo, de prevención e control integrados da contaminación (Boletín Oficial del Estado núm. 251, do 19 de outubro de 2013), regulan o procedemento de revisión das autorizacións ambientais integradas.
Para os efectos previstos no artigo 15.5.a do Real decreto 815/2013, do 18 de outubro, sométese a información pública, durante un período de 20 días hábiles contados a partir do día seguinte ao da publicación deste anuncio no Diario Oficial de Galicia, a documentación presentada polo titular, para que calquera persoa interesada poida consultala e, de ser o caso, presentar dentro do citado prazo as alegacións, suxestións ou observacións que considere convenientes.
As alegacións, suxestións ou observacións dirixiranse ao Servizo de Prevención e Control Integrados da Contaminación.
A documentación estará á disposición das persoas administradas nas dependencias da Dirección Xeral de Calidade Ambiental, Sostibilidade e Cambio Climático, Servizo de Prevención e Control Integrados da Contaminación, en horario de atención ao público (rúa de San Lázaro, s/n, 15781 Santiago de Compostela).
Ademais, tamén se poderá consultar na páxina web da Consellería de Medio Ambiente, Territorio e Vivenda (http://cmatv.xunta.gal/>>medio ambiente e sostibilidade>>prevención e control de actividades>>autorización ambiental integrada>>proxectos en información pública).
Santiago de Compostela, 17 de febreiro do 2021
María Sagrario Pérez Castellanos
Directora xeral de Calidade Ambiental, Sostibilidade e Cambio Climático
ANEXO
Expediente: 2019-IPPC-M-61.
Número da autorización ambiental integrada: 2007/0083_NAA/IPPC_158.
Categoría principal da actividade: anexo I, categoría 9.3.c, do Real decreto lexislativo 1/2016, do 16 de decembro
Titular: Cooperativa Agroganadera de A Piúca, SCG.
Localización da instalación: Fonte Arcada, s/n, 32750 Os Blancos, Ourense (parcelas con referencia catastral 32013A03300118 e 32013A03300382).
Actividade principal: granxa de porcas reprodutoras que conta con 5 naves: dúas naves de xestación, unha nave de parto-lactación, unha nave de pre-ceba e unha nave de recría. A súa capacidade total é de 1.959 animais, cunha produción de 67.189 leitóns ao ano.
Verteduras: as augas de limpeza das naves e as augas residuais dos aseos e vestiarios xestiónanse conxuntamente co xurro. As augas residuais da vivenda diríxense a dous depósitos estancos no exterior da vivenda, e posteriormente trátanse conxuntamente co xurro. O xurro xestiónase como fertilizante en parcelas agrícolas. As augas pluviais déixanse discorrer libremente polo terreo.
