En cumprimento do disposto na Lei 24/2013, do 26 de decembro, do sector eléctrico; na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 21/2013, do 9 de decembro, de avaliación ambiental; na Lei 10/1995, do 23 de novembro, de ordenación do territorio de Galicia; no Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal, e demais normas vixentes de aplicación, sométese a información pública a solicitude relacionada coa instalación que se describe a seguir:

Solicitante/promotora: Alto de Puza, S.L.

Enderezo social: parque San Lázaro, 7, 1º, 32003 Ourense.

Denominación do proxecto: parque eólico Puza.

Concellos afectados: concellos de Avión (Ourense) e da Lama (Pontevedra).

Potencia que se vai instalar: 48 MW.

Produción neta anual estimada: 143.813 MWh/ano.

Orzamento de execución por contrata: 36.688.829 €

Localización (área de afección):

Vértices poligonal	Parque eólico Puza
	ETRS89
X UTM H29	Y UTM H29
1	554.376	4.698.300
2	555.276	4.698.300
3	556.500	4.693.500
4	556.500	4.690.700
5	555.500	4.690.700
6	552.576	4.695.600
7	552.576	4.697.100
8	554.376	4.697.100

Aeroxeradores	Parque eólico Puza
	ETRS89		Concellos
	X UTM H29	Y UTM H29
1	554.623	4.698.097	Avión
2	555.062	4.696.893	Avión
3	555.204	4.696.493	Avión
4	554.665	4.695.676	A Lama
5	554.830	4.695.324	A Lama
6	555.608	4.694.963	Avión
7	555.731	4.694.574	Avión
8	555.908	4.694.206	Avión
9	555.861	4.693.639	A Lama
10	555.965	4.693.256	A Lama
11	556.028	4.692.853	A Lama
12	556.188	4.692.478	A Lama

Centro de seccionamento e medida	Parque eólico Puza
	ETRS89		Concello
	X UTM H29	Y UTM H29
553.539,32	4.696.209,59	A Lama

As características técnicas principais das instalacións de xeración, transformación e interconexión do parque eólico son as seguintes:

• 12 aeroxeradores modelo Vestas V136 de 4 MW de potencia nominal unitaria cunha altura de buxa de 112 metros e cun diámetro de rotor de 136 metros.

• 12 centros de transformación, instalados unitariamente no interior de cada aeroxerador, formados por transformadores de 4.700 kVA de potencia aparente e relación de transformación 30/0,72 kV, celas de media tensión de 30 kV e os correspondentes equipamentos de protección, telemando e demais elementos auxiliares.

• Rede subterránea de media tensión (30 kV), con condutor tipo RHZ1 18/30 kV, para a evacuación da enerxía xerada e interconexión entre os centros de transformación 30/0,72 kV e a subestación colectora Suído 132/30 kV. Esta subestación colectora será obxecto da tramitación noutro expediente administrativo.

A conexión do parque eólico Puza coa subestación colectora Suído 132/30 kV materializarase mediante catro circuítos eléctricos subterráneos executados en gabia única e condutores RHZ1 18/30 3×(1×400) Al e RHZ1 18/30 3×(1×630) Al, con inicio no centro de seccionamento e medida do dito parque eólico e final na sala de celas de media tensión da citada subestación.

A arqueta receptora dos diferentes circuítos, pertencente á subestación colectora Suído 132/30 kV, localízase nas seguintes coordenadas:

Arqueta receptora SEC Suído	Coordenadas arqueta receptora na subestación colectora Subestación colectora Suído 132/30 kV
	ETRS89		Concello
	X UTM H29	Y UTM H29
553.540	4.696.222	A Lama

• Rede de terras xeral con condutor Cu-50 mm2.

Órgano competente: o órgano competente para autorizar o proxecto da referida instalación eléctrica é a Dirección Xeral de Planificación Enerxética e Recursos Naturais.

Procedemento de avaliación ambiental: o proxecto da referida instalación eléctrica está suxeito a avaliación de impacto ambiental ordinaria, segundo o establecido no artigo 7.1.a) da Lei 21/2013, do 9 de decembro, de avaliación ambiental.

De acordo co disposto no artigo 33 da Lei 8/2009, do 22 de decembro, e demais normas de aplicación, relacionadas ao inicio desta resolución, constitúen o obxecto da información pública os seguintes documentos: o proxecto de execución, o estudo do impacto ambiental e o proxecto sectorial de incidencia supramunicipal.

A documentación estará á disposición das persoas interesadas nas dependencias da Sección de Enerxía das xefaturas territoriais da Vicepresidencia Segunda e Consellería de Economía, Empresa e Innovación de Ourense (r/ Curros Enríquez, 1, 4º, 32071 Ourense) e de Pontevedra (avenida Mª Victoria Moreno, 43, 5º, 36071 Pontevedra), das 9.00 ás 14.00 horas, de luns a venres, con cita previa, respectivamente, no correo electrónico enerxia-minas.ceei.ourense@xunta.gal ou nos teléfonos 988 38 67 35/986 80 52 39, así como nos concellos de Avión (Ourense) e da Lama (Pontevedra), e tamén na Dirección Xeral de Planificación Enerxética e Recursos Naturais (Edificio Administrativo San Caetano, s/n, bloque 5, 4º andar, 15781 Santiago de Compostela), das 9.00 ás 14.00 horas, de luns a venres, con cita previa no correo electrónico subdireccion.enerxia@xunta.gal ou nos teléfonos 981 54 45 79/981 54 55 73. Ademais, tamén se poderá consultar no portal web da Vicepresidencia Segunda e Consellería de Economía, Empresa e Innovación:

https://ceei.xunta.gal/transparencia/informacion-publica/en-tramitacion/instalacions-de-xeracion

A citada documentación estará tamén dispoñible, durante o mesmo prazo, nas dependencias das xefaturas territoriais de Ourense e de Pontevedra da Consellería de Medio Ambiente, Territorio e Vivenda, así como na Subdirección Xeral de Avaliación Ambiental da Dirección Xeral de Calidade Ambiental, Sostibilidade e Cambio Climático.

O que se fai público para coñecemento xeral e para que as persoas interesadas poidan examinar a documentación técnica e presentar as obxeccións ou alegacións que consideren oportunas, no prazo de 30 días contados a partir da última publicación desta resolución.

Santiago de Compostela, 5 de febreiro de 2021

Paula Uría Traba
Directora xeral de Planificación
Enerxética e Recursos Naturais