A representación da titularidade do centro privado (CPR) plurilingüe Divino Maestro de Ourense solicita a modificación da autorización do centro por cambio de titularidade e a ampliación de 1 unidade de educación especial.
Mediante escritura pública notarial do 20 de outubro de 2020, a congregación Misioneras del Divino Maestro, titular do mencionado centro docente, cede súa titularidade á fundación Divino Maestro Fundación Educativa.
O expediente de modificación da autorización tramítase de acordo co establecido no Decreto 133/1995, do 10 de maio, de autorización de centros docentes privados para impartir ensinanzas de réxime xeral non universitarias, e coa Orde do 20 de setembro de 1995 que o desenvolve, por proposta da Dirección Xeral de Centros e Recursos Humanos,
DISPOÑO:
Artigo 1. Cambio de titularidade
Autorizar o cambio de titularidade do CPR plurilingüe Divino Maestro de Ourense a favor da fundación Divino Maestro Fundación Educativa.
O cambio de titularidade terá efectos do día 1 de xaneiro de 2021 e non afectará o réxime de funcionamento do centro.
Artigo 2. Ampliación de unidades de educación especial
Autorizar a ampliación de 1 unidade de educación especial co que o centro configurado como se sinala a seguir:
Denominación xenérica: Centro privado (CPR) plurilingüe.
Denominación específica: Divino Maestro.
Código do centro: 32008665.
Enderezo: rúa Madre Soledad, nº 1.
Localidade: Ourense.
Concello: Ourense.
Provincia: Ourense.
Titular: Divino Maestro Fundación Educativa.
Composición resultante:
• Educación infantil (2º ciclo): 3 unidades
• Educación primaria: 6 unidades.
• Educación secundaria obrigatoria: 4 unidades.
• Educación especial: 2 unidades.
• Ciclo formativo de formación profesional básica en informática de oficina (2 unidades de 20 alumnos/as cada unha).
Artigo 3. Inicio da actividade
Para a posta en funcionamento da unidade que se autoriza, a Xefatura Territorial da Consellería de Cultura, Educación e Universidade de Ourense, logo do informe do Servizo Territorial de Inspección Educativa, aprobará expresamente a relación de persoal que impartirá docencia na unidade que se amplía.
Artigo 4. Inscrición no Rexistro de Centros
Esta orde dará lugar á correspondente inscrición no Rexistro de Centros da Comunidade Autónoma de Galicia.
Artigo 5. Modificación da autorización
O centro queda obrigado ao cumprimento da normativa vixente e a solicitar a oportuna revisión cando teñan que modificarse calquera dos datos que se sinalan nesta orde.
Disposición derradeira primeira. Recursos
Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben directamente recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.
Disposición derradeira segunda. Entrada en vigor
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 5 de febreiro de 2021
Román Rodríguez González
Conselleiro de Cultura, Educación e Universidade