O Pleno do Concello de Rois, en sesión plenaria do día 7 de marzo de 2016, adoptou, con base nos informes xurídico e técnico que constan no expediente, o seguinte acordo:
Primeiro. Tomar coñecemento e aprobar a corrección do erro material descrito no documento formulado polos técnicos municipais de corrección dun erro material do PXOM en Abelendo, parroquia de Urdilde, que se refire ao plano de ordenación C-4 do PXOM, consistente nunha discrepancia entre a localización do núcleo rural de Abelendo, parroquia de Urdilde, que reflicte o plano de ordenación C-4 do PXOM de Rois e a situación real do antedito núcleo, que está definida polas coordenadas expresadas no informe do arquitecto técnico ( X:524.135, Y:4.740.726), co fin de que no plano C-4 do PXOM se reflicta a situación real do núcleo de Abelendo.
Segundo. Notificar o presente acordo á consellería competente en materia de urbanismo e ordenación do territorio, en cumprimento do disposto no artigo 92.5 da Lei 9/2002, do 30 de decembro, de ordenación urbanística e protección do medio rural.
Terceiro. Publicar o presente acordo no Boletín Oficial da provincia e no Diario Oficial de Galicia.
Cuarto. Notificar o presente acordo aos interesados pola corrección do erro detectado para os efectos oportunos.
Contra este acordo cabe interpor recurso contencioso-administrativo no prazo de dous meses, contados a partir do día seguinte ao da súa publicación, ben que previamente e con carácter potestativo cabe interpor recurso de reposición ante o órgano que o ditou. Neste caso, contra a desestimación do recurso de reposición, o prazo para interpor o contencioso-administrativo será de dous meses contados desde o día seguinte á adopción do acordo ou de seis meses contados desde a desestimación presunta, que se entenderá producida polo transcurso dun mes desde a interposición do recurso de reposición.
Rois, 11 de xaneiro de 2021
Ramón Tojo Lens
Alcalde