En virtude do establecido no artigo 15.2 da Lei 1/2016, do 18 de xaneiro, de transparencia e bo goberno (DOG nº 30, do 15 de febreiro),

DISPOÑO:

Dar publicidade á relación dos convenios subscritos pola Escola Galega de Administración Pública referida aos meses de setembro, outubro, novembro e decembro do ano 2020 que se incorpora como anexo a esta resolución.

Santiago de Compostela, 14 de xaneiro de 2021

Sonia Rodríguez-Campos González
Directora da Escola Galega de Administración Pública

ANEXO

Convenios de colaboración subscritos pola Escola Galega de Administración Pública nos meses de setembro, outubro, novembro e decembro de 2020

Convenio de colaboración entre a Escola Galega de Administración Pública e o Colexio de Avogados de Santiago de Compostela, para o desenvolvemento de actividades de formación, divulgación e investigación	8.10.2020	Sen achega económica
Convenio de colaboración entre a Escola Galega de Administración Pública, a Vicepresidencia primeira e Consellería de Presidencia, Xustiza e Turismo e a Federación Galega de Municipios e Provincias (Fegamp), para o desenvolvemento de cursos na modalidade de teleformación	23.10.2020	Sen achega económica
Convenio de colaboración entre a Escola Galega de Administración Pública e a Vicepresidencia segunda e Consellería de Economía, Empresa e Innovación, para a organización dun curso sobre transparencia administrativa e acceso á información pública	30.10.2020	Sen achega económica