A Orde do 9 de decembro de 2020 aproba os diferentes modelos de autoliquidación do imposto sobre transmisións patrimoniais e actos xurídicos documentados na Comunidade Autónoma de Galicia e regula o procedemento e as condicións para o seu pagamento e presentación, así como determinadas obrigacións formais e de subministración de información tributaria.
Con posterioridade á publicación desta orde procedeuse á aprobación da Lei de medidas fiscais e administrativas que, entre outros aspectos, modifica o texto refundido das disposicións legais da Comunidade Autónoma de Galicia en materia de tributos cedidos polo Estado, aprobado polo Decreto lexislativo 1/2011, do 28 de xullo, no sentido de establecer novos tipos reducidos no imposto de transmisións patrimoniais e actos xurídicos documentados para o colectivo de vítimas de violencia de xénero.
Da mesma forma a Lei 11/2020, do 30 de decembro, de orzamentos xerais do Estado, actualizou nun 2 por cento a escala de gravame dos títulos e grandezas nobiliarios aplicable no imposto sobre transmisións patrimoniais e actos xurídicos documentados.
Todo o exposto fai necesario modificar o modelo correspondente á autoliquidación do imposto de transmisións patrimoniais e actos xurídicos documentados aprobado pola Orde 9 de decembro de 2020 para reflectir nel estes cambios normativos; sendo competente para iso a persoa titular da Dirección da Axencia Tributaria de Galicia en base á habilitación normativa prevista na disposición adicional sexta da devandita orde
En consecuencia,
resolvo:
Primeiro
Modificar no anexo II da Orde de 9 de decembro de 2020 o anexo IV e o cadro de conceptos/clave/ tipo do modelo 600, que pasa a ser o seguinte:
ANEXO II
MODELO 600
