Eu, Paloma Recalde Álvarez, letrada da Administración de xustiza do Xulgado do Social número 2 da Coruña, fago saber que no procedemento de despedimento/cesamentos en xeral 285/2020 deste xulgado do social, contra a mercantil Confecciones Torres Tasende, S.L., e coa intervención do Fogasa, sobre despedimento, se ditou a seguinte resolución, cuxo encabezado e parte dispositiva se achegan:
Sentenza.
A Coruña, 11 de decembro de 2020.
Miguel Herrero Liaño, maxistrado do Xulgado do Social número 2 da Coruña, vendo os presentes autos seguidos neste xulgado co número DSP 285/2020, sendo parte nel, dun lado, como demandante, Ana María Tasende Costa, con DNI 79318640N, asistida pola letrada Sra. Bonet González, e como demandado, mercantil Confecciones Torres Tasende, S.L., que non comparece a pesar de estar citada en legal forma, e coa intervención do Fogasa, que non comparece a pesar de estar citado en legal forma, sobre despedimento, pronunciou en nome do rei a seguinte sentenza.
Decido:
Estímase a demanda interposta por Ana María Tasende Costa fronte á empresa Confecciones Torres Tasende, S.L. e Fogasa, e en consecuencia:
1. Declárase improcedente o despedimento da parte demandante con efectos do 27.2.2020.
2. Declárase extinguido, con data da presente resolución, o contrato que une á demandante coa empresa demandada.
3. Condénase a empresa demandada a aboar á demandante a cantidade de 7.895,25 euros en concepto de indemnización. Así mesmo, condénase a empresa para aboar á parte demandante a cantidade de 11.024,64 euros correspondente a salarios de tramitación desde o despedimento ata a data desta resolución.
Respecto do Fogasa deberá aterse á responsabilidade establecida no artigo 33 do Estatuto dos traballadores.
Notifíquese esta resolución ás partes, ás cales se fará saber que contra a mesma só cabe recurso de suplicación ante o Tribunal Superior de Xustiza de Galicia, debendo anuncialo ante este xulgado no prazo de cinco días contados a partir da notificación desta sentenza, e no propio termo se o recorrente non goza do beneficio de xustiza gratuíta deberá ao anunciar o recurso entregar resgardo acreditativo de consignar a cantidade obxecto de condena na conta de depósitos e consignacións que este xulgado ten aberta no Banco de Santander desta cidade.
E, igualmente, deberá no momento de interpoñer o recurso consignar a suma de 300 euros en concepto de depósito especial para recorrer.
Así por esta a miña sentenza, definitivamente xulgando, pronúncioo, mándoo e asínoo.
E para que sirva de notificación en legal forma a Confecciones Torres Tasende, S.L., en ignorado paradoiro, expido este edicto para a súa inserción no Diario Oficial de Galicia.
Advírtese a destinataria de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que sexan auto ou sentenza, ou cando se trate de emprazamento.
A Coruña, 14 de decembro de 2020
A letrada da Administración de xustiza