Eu, Paloma Recalde Álvarez, letrada da Administración de xustiza do Xulgado do Social número 2 da Coruña, fago saber que no procedemento de despedimento/cesamentos en xeral 292/2020 deste xulgado do social, seguido contra a empresa Confecciones Torres Tasende, S.L., sobre despedimento, foi ditada a resolución cuxa parte dispositiva di:
«A Coruña, 10 de decembro de 2020
Miguel Herrero Liaño, maxistrado xuíz do Xulgado do Social número 2, tendo visto o presente procedemento de despedimento/cesamentos en xeral 292/2020 por instancia de Ana Rosa Souto Calvo, que comparece por si mesma asistida da letrada María Irene Bonet González contra o Fondo de Garantía Salarial e Confecciones Torres Tasende, S.L., que non comparecen a pesar de constaren citados en legal forma, en nome do rei, pronunciou a seguinte sentenza:
Decido:
Estimar a demanda interposta por Ana Rosa Souto Calvo contra a empresa Confecciones Torres Tasende, S.L. e o Fogasa e, en consecuencia:
1. Declárase improcedente o despedimento da parte demandante con efectos do 27 de febreiro de 2020.
2. Declárase extinguido, con data da presente resolución, o contrato que une a demandante coa empresa demandada.
3. Condénase á empresa demandada a aboar á demandante a cantidade de 29.217,60 euros en concepto de indemnización. Así mesmo, condénase a empresa a aboar á parte demandante a cantidade de 11.646,46 euros correspondente a salarios de tramitación desde o despedimento ata a data desta resolución.
Respecto ao Fogasa, atenderase á responsabilidade establecida no artigo 33 do ET.
Notifíquese esta sentenza ás partes advertindo que contra ela poderán interpor recurso de suplicación ante o Tribunal Superior de Xustiza, que deberá ser anunciado mediante escrito neste xulgado dentro dos cinco días seguintes á notificación da sentenza. Advírtase ao recorrente que sexa entidade xestora e tiver sido condenada ao aboamento dunha prestación de Seguridade Social de pagamento periódico que, ao anunciar o recurso, deberá xuntar certificación acreditativa de que comeza o aboamento desta e que o proseguirá puntualmente en canto dure a tramitación. Se o recorrente for unha empresa ou mutua patronal que tiver sido condenada ao pagamento dunha pensión de Seguridade Social de carácter periódico, deberá ingresar o importe do capital custo na Tesouraría Xeral da Seguridade Social, logo de determinación por esta do seu importe unha vez que lle sexa comunicada polo xulgado.
Así o pronuncio, mando e asino por esta sentenza».
E para que sirva de notificación en legal forma a Confecciones Torres Tasende, S.L., en ignorado paradoiro, expido este edicto para a súa inserción no Diario Oficial de Galicia.
Advírtese á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.
A Coruña, 16 de decembro de 2020
A letrada da Administración de xustiza