PO procedemento ordinario 39/2020

Procedemento orixe: /

Sobre ordinario

Demandante: Renan Henrique dos Santos Braga

Graduado social: Alfonso Carballo Jardón

Demandados: Taller Bancar, S.L., Fondo de Garantía Salarial

Avogado/a: letrado do Fogasa

Eu, Blanca Susana Janeiro Amela, letrada da Administración de xustiza do Xulgado do Social número 4 de Pontevedra, fago saber que por resolución ditada no día da data, no proceso seguido por instancia de Renan Henrique dos Santos Braga contra Taller Bancar, S.L. e o Fondo de Garantía Salarial, en reclamación por ordinario, rexistrado co número de procedemento ordinario 39/2020 acordouse, en cumprimento do que dispón o artigo 59 da LXS, citar Taller Bancar, S.L., en ignorado paradoiro, a fin de que compareza o día 28.10.2021 ás 10.25 e 10.30 horas, na rúa Hortas, s/n, planta 1, sala 15, Edif. Xulgados, para a celebración dos actos de conciliación e, se for o caso, xuízo, aos cales pode comparecer persoalmente ou mediante persoa legalmente apoderada, e que deberá acudir con todos os medios de proba de que se tente valer, coa advertencia de que é única convocatoria e que os devanditos actos non se suspenderán por falta inxustificada de asistencia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

En caso de que pretenda comparecer ao acto do xuízo asistido de avogado ou representado tecnicamente por graduado social colexiado, ou representado por procurador, porá esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo, co obxecto de que, trasladada tal intención ao demandante, poida estar este representado tecnicamente por graduado social colexiado, ou representado por procurador, designar avogado noutro prazo igual ou solicitar a súa designación a través da quenda de oficio. A falta de cumprimento destes requisitos supón a renuncia da parte ao dereito de se valer no acto de xuízo de avogado, procurador ou graduado social colexiado.

E para que sirva de citación a Taller Bancar, S.L., expídese este edicto para a súa publicación no DOG e colocación no taboleiro de anuncios.

Pontevedra, 3 de decembro de 2020

A letrada da Administración de xustiza