De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, por ser o seu domicilio descoñecido, notifícase ás persoas interesadas que figuran no anexo, por medio deste anuncio publicado no Boletín Oficial del Estado (BOE), a toma de posesión provisional dos predios de substitución da zona de concentración parcelaria de Troáns-sector II (Cuntis-Pontevedra).
Texto íntegro da notificación:
«Unha vez transcorrida a data do 30.10.2020 establecida para a toma de posesión provisional dos predios resultantes do proceso de concentración parcelaria da zona de Troáns-sector II (Cuntis-Pontevedra), detectouse que non se tiña debidamente notificada a referida toma de posesión a diversas persoas, polo que, con data do 14.12.2020, a directora xeral de Desenvolvemento Rural resolveu establecer unha nova data de toma de posesión provisional para estas persoas, entre as cales se atopa vostede, a fin de garantir o exercicio dos seus dereitos en relación co disposto polo artigo 37 da Lei 4/2015, do 17 de xuño, de mellora da estrutura territorial agraria de Galicia.
As novas datas para tomar posesión provisional son:
1. Para terreos de prado, pasteiro, labradío sen colleita e monte, o día 29.1.2021.
2. Para os restantes terreos, no momento en que, segundo o costume, se retiren as colleitas actuais.
Para o caso de que se pretenda retirar arboredo, a data límite é o día 29.7.2021 e debe contarse co preceptivo permiso do Servizo de Montes e xestionar o aproveitamento con suxeición ao establecido no Decreto 50/2014, do 10 de abril, e na Orde do 20 de abril de 2018, que modifica os seus anexos II, III e VI.
No prazo de dous meses, contados a partir do seguinte ao 29.1.2021, poderá reclamar por defecto de superficie nos predios atribuídos, xuntando unha medición pericial asinada por técnico competente, sobre diferenzas de superficie superiores a unha marxe de tolerancia variable entre a medición in situ e a que conste no boletín de atribucións dos novos predios, conforme o disposto no antedito artigo 37.
Importante: as persoas propietarias das parcelas de achega deben permitir aos titulares dos novos predios o acceso a eles para realizaren a súa medición no prazo dos dous meses indicado arriba.
Debe terse en conta que:
• A falta de superficie dun predio non será compensada cando exista exceso de superficie no conxunto dos predios atribuídos ao mesmo propietario e esta sexa suficiente para compensar en valor de puntuación o conxunto das atribucións.
• A falta de superficie en terreos de núcleo rural (total ou parcialmente) será compensada nesta mesma clase. No caso de non existir dispoñible terreo deste tipo e o mesmo titular ter exceso de superficie en terreos doutra clase, a compensación farase sobre os ditos terreos.
• Non se admitirá reclamación no caso de que o predio obxecto dela coincida exactamente, na súa delimitación cartográfica, coa parcela achegada polo mesmo titular.
• Impedir ou obstaculizar a toma de posesión é considerada unha infracción moi grave (artigo 90 da Lei 4/2015) sancionada con multa de 1.501 a 6.000 euros.
• Sen prexuízo do indicado no punto anterior, a toma de posesión poderá darse, logo de apercibimento, mediante compulsión directa sobre a/as persoa/s que a impidan.
Os planos do acordo e dos marcos colocados que delimitan os predios están accesibles na internet, na páxina web da Consellería do Medio Rural no seguinte enderezo, na sección publicacións:
https://ovmediorural.xunta.gal/gl/consultas-publicas/concentracions-parcelarias-procesos».
Así mesmo, este anuncio publicarase no Diario Oficial de Galicia (DOG), aínda que a eficacia do acto notificado quedará supeditada á súa publicación no BOE, día en que se entenderá producida a notificación.
Pontevedra, 17 de decembro de 2020
Antonio Crespo Iglesias
Xefe territorial de Pontevedra
ANEXO
Nº de propietario |
Interesado/a |
Acto que se notifica |
14 |
Eva María Barros Aguirán |
Toma de posesión provisional |
14 |
Manuel Ramón Barros Aguirán |
Toma de posesión provisional |
22 |
José Búa Búa |
Toma de posesión provisional |
22 |
Mª del Carmen Búa Búa |
Toma de posesión provisional |
22 |
María Luisa Búa Búa |
Toma de posesión provisional |
65 |
José Casal Guerra |
Toma de posesión provisional |
152 |
Enrique Folgar Hervés |
Toma de posesión provisional |
421 |
Francisco Francisco Folgar |
Toma de posesión provisional |
454 |
Dolores Campañó Fojo |
Toma de posesión provisional |
506 |
Sergio Martínez Gómez |
Toma de posesión provisional |