Aprobada inicialmente a modificación puntual do Plan xeral de ordenación municipal número 4, por Acordo do Pleno do 27 de novembro de 2020, de conformidade cos artigos 60.6 da Lei 2/2016, do 10 de febreiro, do solo de Galicia, sométese a información pública polo prazo de dous meses contados desde o día seguinte ao da publicación do presente anuncio no Diario Oficial de Galicia.
Durante o dito prazo poderá ser examinado por calquera persoa interesada nas dependencias municipais, para que se formulen as alegacións que se consideren pertinentes ou obter copias. Así mesmo, estará á disposición na sede electrónica deste concello.
Quedan suspendidas as licenzas naqueles ámbitos do territorio obxecto da modificación puntual.
A duración da suspensión é de 2 anos.
Dodro, 4 de decembro de 2020
Francisco Xabier Castro Tourís
Alcalde