Familia, garda, custodia, alimentación de fillo menor non matrimonial non consensuado 1174/2019
Sobre medidas provisionais
Demandante: Faith Otoghagua
Procuradora: Lourdes Lorenzo Ribagorda
Avogada: Irene Rodríguez Pérez
Demandado: Kofi Yahboa
Cédula de notificación
No procedemento de referencia ditouse a resolución do teor literal seguinte:
«Sentenza
En Ourense o 24 de novembro de 2020.
Luis Doval Pérez, maxistrado xuíz de reforzo do Xulgado de Primeira Instancia número 6 de Ourense, viu os presentes autos, sobre garda, custodia e alimentos de fillo non matrimonial, promovido por Faith Otoghagua, representada pola procuradora Lourdes Lorenzo Ribagorda e asistida pola letrada Irene Rodríguez, contra Kofi Yahboa, en situación de rebeldía procesual. É parte o Ministerio Fiscal.
Seguen antecedentes de feito e fundamentos de dereito.
Decido que, estimando a demanda formulada pola procuradora Lourdes Lorenzo Ribagorda, en nome e representación de Faith Otoghagua, fronte a Kofi Yahboa, acordo as seguintes medidas definitivas relativas ao menor D. Y.:
1. Garda e custodia. Atribúese a garda e custodia da filla menor á súa nai Faith Otoghagua, e a patria potestade será conxunta por ambos os proxenitores.
2. Non se establece réxime de visitas a favor do pai.
Atribúese en exclusiva á nai a facultade para decidir sobre permisos e autorizacións relativas á escolarización do menor, así como para autorizar excursións, viaxes, saídas ao estranxeiro etc., así como para a obtención de pasaporte, petición de axudas públicas e outros documentos ou trámites administrativos sen necesidade de contar coa autorización do outro proxenitor.
3. Pensión de alimentos. O pai aboará en concepto de alimentos a favor da filla menor a suma de 100 euros mensuais. O referido importe actualizarase anualmente de conformidade co IPC ao termo de cada anualidade, e deberá ser ingresado dentro dos cinco primeiros días de cada mes na conta que a nai designe para o efecto.
Así mesmo, ambos os dous proxenitores deberán satisfacer o 50 % dos gastos extraordinarios debidamente acreditados.
Non se efectúa expresa condena en custas.
Notifíquese ás partes esta sentenza, facéndolles saber que non é firme e contra ela cabe recurso de apelación, que deberán interpoñer ante este xulgado dentro os vinte días seguintes á súa notificación, para a súa resolución pola Audiencia Provincial de Ourense, logo de consignación do depósito previsto na disposición adicional décimo quinta da LOPX.
Así o ordeno, mando e asino».
E como consecuencia do ignorado paradoiro de Kofi Yahboa, expídese a presente para que sirva de cédula de notificación.
Ourense, 27 de novembro de 2020
O/a letrado/a da Administración de xustiza