A Consellería de Política Social convocou, para o ano 2020, a través da Orde do 7 de xaneiro de 2020, as subvencións para entidades de acción voluntaria e entidades locais enmarcadas no programa Servizo de voluntariado xuvenil (DOG núm. 22, do 3 de febreiro).
O artigo 17 da orde de convocatoria establece o prazo e a forma de presentación da xustificación das axudas concedidas. A data límite para a presentación da xustificación estableceuse para o día 8 de novembro de 2020.
Así mesmo, nos números 2 e 3 do artigo 17 da orde determínase a documentación complementaria necesaria para a tramitación do procedemento para as entidades de acción voluntaria e para as entidades locais beneficiarias, respectivamente.
Unha vez revisadas as xustificacións presentadas ao abeiro da dita orde de convocatoria polo órgano encargado da instrución, identificáronse aquelas que non reúnen a documentación necesaria, ben por non tela presentado ben por conter erros ou por non ser suficiente para a determinación do cumprimento das condicións impostas e da consecución dos obxectivos previstos no acto da concesión da subvención.
O artigo 18 da dita orde indica que, transcorrido o prazo establecido de xustificación sen se ter presentado esta ante o órgano administrativo competente, este requirirá o beneficiario para que no prazo improrrogable de dez días a presente para os efectos previstos neste artigo. No dito artigo establece que a falta de presentación da xustificación no dito prazo comportará a perda do dereito ao cobramento total ou parcial da subvención, a exixencia do reintegro e demais responsabilidades establecidas na Lei 9/2007, do 13 de xuño, de subvencións de Galicia. A presentación da xustificación no dito prazo adicional non eximirá o beneficiario das sancións que, conforme a lei, correspondan.
Así mesmo, o artigo 15 da orde de convocatoria establece que se publicarán no Diario Oficial de Galicia, de conformidade co previsto no artigo 45 da Lei 39/2015, do 1 de outubro, do procedemento administrativo común das administracións públicas, os actos administrativos e as correspondentes resolucións deste procedemento e que esta publicación producirá os efectos de notificación.
Por todo o exposto,
RESOLVO:
1. Ordenar a publicación no Diario Oficial de Galicia da relación de entidades beneficiarias requiridas para emendaren as xustificacións que non estean debidamente completadas e/ou presentaren a documentación preceptiva exixida segundo o establecido nas bases reguladoras. Esta relación figura como anexo desta resolución.
2. Facer indicación expresa a todas as entidades beneficiarias recollidas no anexo, que son requiridas para que, no prazo de dez días, contados a partir do día seguinte ao da publicación desta resolución no Diario Oficial de Galicia, emenden a falta ou acheguen os documentos preceptivos conforme se establece na orde de convocatoria recollidos no dito anexo. Non o facer, de conformidade co artigo 18.3 da orde, co artigo 28.10 da Lei 9/2007, do 13 de xuño e co artigo 45 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, comportará a perda do dereito ao cobramento total ou parcial da subvención, a exixencia do reintegro e demais responsabilidades que correspondan.
3. En caso de dúbida, dificultades técnicas ou necesidade de máis información durante o proceso de emenda da documentación das xustificacións, poderán dirixirse á Consellería de Política Social a través dos teléfonos 981 95 79 20 ou 881 99 65 30.
Santiago de Compostela, 10 de decembro de 2020
Cristina Pichel Toimil
Directora xeral de Xuventude, Participación e Voluntariado
ANEXO
Entidades de acción voluntaria e entidades locais enmarcadas no programa Servizo voluntariado xuvenil
Nº exp. |
Solicitante |
NIF da entidade |
Documentación requirida |
BS320A 2020/014 |
Concello de Cangas-Oficina Municipal de Voluntariado |
P3600800A |
– Certificación de estar ao día nas obrigas coa consellería competente en materia de facenda da Xunta de Galicia |
BS320A 2020/027 |
Natural Ardai, Terapia, Ocio y Formación |
G32456097 |
– Anexos II, IV e V – Xustificación de ter solicitado a inscrición das experiencias voluntarias e dos certificados das experiencias (art. 17.2.a) – Memoria explicativa das actividades realizadas (art. 17.2.a) – Memoria económica (art. 17.2.b) – Certificación de estar ao día nas obrigas coa Axencia Estatal de Administración Tributaria – Relación nominal de persoas voluntarias (art. 15.8) |
BS320A 2020/046 |
Concello de Cervo |
P2701300B |
– Completar solicitude de inscrición das experiencias voluntarias e dos certificados de experiencias voluntarias (art. 17.2.a)) – Presentar os xustificantes de pagamento dos seguros para acreditar a cobertura durante toda a execución do proxecto (art. 17.2.d.3º) – Memoria explicativa: motivar o cambio na data de fin de proxecto |
BS320A 2020/057 |
Asociación Cultural, Social, Deportiva, Lúdica, Ecolóxica, da Muller, de Inclusión, do Rural, Vive Vilariño |
G32504508 |
– Memoria económica en que se reflicta a vinculación de cada gasto executado co proxecto subvencionado (art. 17.2.b) – Aportar xustificante de pagamento da factura nº F-0021079 (art. 17.2.d.1º) – Xustificación de ter solicitado a inscrición das experiencias voluntarias e dos certificados das experiencias (art. 17.2.a) |
BS320A 2020/065 |
Concello de Mos |
P3603300I |
– Completar solicitude de inscrición das experiencias voluntarias e dos certificados de experiencias voluntarias (art. 17.3.a) – Conta xustificativa: engadir o importe que corresponde aos gastos de manutención e desprazamento de J.G.T |
BS320A 2020/075 |
Asociación Sustinea |
G32422834 |
– Anexos IV e V – Xustificación de ter solicitado a inscrición das experiencias voluntarias e dos certificados das experiencias (art. 17.2.a) – Memoria explicativa das actividades realizadas (art. 17.2.a) – Memoria económica (art. 17.2.b) |
BS320A 2020/077 |
Concello das Pontes de García Rodríguez |
P1507100D |
– Xustificación de ter solicitado a inscrición das experiencias voluntarias e dos certificados das experiencias (art. 17.3.a) – Anexo III: indicar os números de factura e importes dos gastos correntes e seguros que correspondan ao proxecto subvencionado e, de ser o caso, corrixir os puntos cuarto e quinto do anexo II – Conta xustificativa acorde ao art. 17.3.d) |
BS320A 2020/099 |
Asociación Ecos do Sur |
G15354483 |
– Anexo II: revisar os puntos 3 e 5 – Anexo IV: rectificar o número de días, horas e orzamento de Leidy e Elba en «Gastos das persoas voluntarias» e completar o xustificante de pagamento das facturas do aluguer fv20-alq-00152 e fv20-alq-00171 |
BS320A 2020/100 |
Concello de Ponteareas-Oficina Municipal de Voluntariado |
P3604200J |
– Completar solicitude de inscrición das experiencias voluntarias e dos certificados de experiencias voluntarias (art. 17.3.a) – Memoria de actividades realizadas (art. 17.3.a): xustificar os cambios na participación das persoas voluntarias e engadir os datos de Y.A. segundo o art. 15.8 |