A Xunta de Goberno da Cidade de Santiago de Compostela, na sesión ordinaria que tivo lugar o día 23 de novembro de 2020, adoptou, entre outros, o seguinte acordo:

Primeiro. Aprobar inicialmente a modificación do artigo 21 (ordenanza 4B) da normativa do Plan parcial de ordenación do SUP-6 (Santa Marta), segundo o proxecto redactado por Manuel Carbajo Capeáns e Celso Barrios Ceide, presentado no Rexistro Xeral do Concello con data do 9 de novembro de 2020.

Segundo. Someter a modificación ao trámite de información pública durante o prazo de dous meses, mediante anuncios que para o efecto se publicarán no Diario Oficial de Galicia e nun xornal dos de maior difusión na provincia. Simultaneamente, practicarase notificación persoal aos propietarios dos terreos afectados, segundo figuren no Catastro.

Durante o trámite de información pública solicitarase o informe da Dirección Xeral do Patrimonio Cultural.

O que se publica a fin de que, durante o prazo de dous meses, contado a partir do día seguinte ao da publicación deste anuncio, os interesados poidan consultar o expediente e formular as alegacións que xulguen oportunas. A documentación sometida a exposición pública estará a dispor dos interesados no Servizo de Planeamento e Xestión do Concello de Santiago (Pazo de Raxoi, 2º andar), de luns a venres, das 9.00 ás 14.00 horas (previa cita solicitada no número de teléfono 981 54 24 26; e na páxina web do Concello https://transparencia.santiagodecompostela.gal/Modificacion-artigo-21-ordenanza-4B-do-P-parcial-SUP-6-Santa-Marta/gl

Santiago de Compostela, 10 de decembro de 2020

O alcalde
P.D. (Decreto 4742/2019, do 17 de xuño)
Mercedes Rosón Ferreiro
Concelleira delegada de Urbanismo, Vivenda e Cidade Histórica