Para os efectos de darlle cumprimento ao solicitado polo Xulgado do Contencioso-Administrativo número 2 da Coruña, en relación co procedemento ordinario 145/2020, interposto por Sandra dos Anjos do Nascimento contra a resolución desestimatoria ditada polo director da Axencia de Protección da legalidade Urbanística no recurso de reposición o 15 de xuño de 2020, interposto contra outra do 4 de xuño de 2018 (expediente COR/28/2016-RP1), en que declara que a parcelación urbanística e as obras de edificación executadas en solo rústico, sen autorización urbanística autonómica, sitas nas parcelas con referencia catastral 15031A057001800000OA e 15031A057001810000OB, no lugar de Monte da Raposa-Rumbo, parroquia de Celas, concello de Culleredo, non son legalizables por seren incompatibles co ordenamento urbanístico e ordena a demolición das obras sitas nas subparcelas resultantes da parcelación, así como a reposición ao seu estado orixinario dos terreos que padeceron a parcelación urbanística, esta dirección resolveu ordenar a remisión do correspondente expediente ao Xulgado do Contencioso-Administrativo número 2 da Coruña.
Ao non poder realizarse a notificación persoal do emprazamento, mediante esta cédula (que, ao abeiro do disposto no artigo 44 da Lei 39/2015, do procedemento administrativo común das administracións públicas -LPACAP, se lle notifica por medio dun anuncio publicado no Boletín Oficial del Estado) emprázase a Joaquín dos Anjos do Nascimento e Elisa dos Anjos do Nascimento para que poidan comparecer como interesados nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 26 de novembro de 2020
Jacobo Hortas García
Director da Axencia de Protección da Legalidade Urbanística