A vicepresidenta da Xerencia Municipal de Urbanismo do Concello de Vigo (XMU), mediante resolucións con data do 27 de outubro de 2020, iniciou o procedemento de declaración de incumprimento do deber de edificar/rehabilitar das persoas propietarias dos seguintes inmobles incluídos no primeiro programa de edificación forzosa:
– Rúa Alta, 8.
– Rúa Alta, 10.
– Rúa Alta, 12.
– Rúa Alta, 14.
– Rúa Ferrería, 1.
– Rúa Ferrería, 43.
– Rúa Ferrería, 49.
– Rúa Abeleira Menéndez, 14.
Mediante o presente anuncio ábrese un prazo de exposición pública de vinte (20) días hábiles, contados desde o día seguinte ao da súa publicación no Diario Oficial de Galicia, co fin de que calquera persoa física ou xurídica poida examinar o expediente e presentar cantas alegacións considere oportunas, consonte o establecido polo artigo 83 da Lei 39/2015, do 1 de outubro, do procedemento administrativo común das administracións públicas.
Para estes efectos, as citadas resolucións poden ser consultadas na Oficina de Vivenda e Solo da Xerencia Municipal de Urbanismo do Concello de Vigo, mediante solicitude expresa no Rexistro Xeral da XMU e logo de cita coa Oficina de Vivenda e Solo, das 9.00 ás 13.30 horas, no número de teléfono 986 81 03 50.
Vigo, 12 de novembro 2020
O alcalde
P.D. (Resolución do 11.7.2019)
María José Caride Estévez
Vicepresidenta da Xerencia Municipal de Urbanismo
de Vigo