Mediante a Orde do 16 de setembro de 2020 (DOG núm. 196, do 28 de setembro), convocouse a provisión, polo sistema de libre designación, do posto de traballo vacante na Axencia Galega de Innovación, que se detalla no anexo I desta orde.

De conformidade co establecido nos artigos 17.2 e 92 da Lei de emprego público de Galicia, e no Decreto 93/1991, do 20 de marzo, polo que se aproba o Regulamento de provisión de postos de traballo, promoción profesional e promoción interna, esta consellería

DISPÓN:

Primeiro. Resolver a convocatoria pública efectuada por esta Axencia na Orde do 16 de setembro de 2020 e designar a persoa funcionaria, cuxos datos se sinalan no anexo I de esta orde, para ocupar o posto que tamén se especifica.

Segundo. O cesamento no actual destino da persoa funcionaria que obtivo a praza producirase, segundo o previsto no artigo 14 do Regulamento de provisión de postos de traballo, promoción profesional e promoción interna, aprobado polo Decreto do 93/1991, do 20 de marzo, modificado polo Decreto 166/2013, do 14 de novembro, no prazo de tres (3) días hábiles, contados a partir do seguinte ao da data da publicación desta orde no Diario Oficial de Galicia ou segundo o establecido na normativa de aplicación na súa Administración de orixe.

O prazo para tomar posesión no novo destino e de tres (3) días hábiles, contados a partir do día seguinte ao do cese, se non implica cambio de residencia, ou de sete (7) días hábiles se comporta cambio de residencia.

Cando a persoa adxudicataria do posto obteña coa súa toma de posesión o reingreso ao servizo activo, o prazo será de vinte (20) días hábiles.

O cómputo dos prazos de toma de posesión iniciarase cando finalicen os permisos ou licenzas que, se for o caso, lle fosen concedidas á persoa interesada. No caso de incapacidade temporal o prazo iniciarase a partir da data de alta.

Terceiro. A xefatura territorial do centro en que cause baixa o/a funcionario/a, así como o daquel en que obteña destino, efectuarán dentro dos prazos sinalados no punto anterior, as correspondentes dilixencias de cesamento e toma de posesión, das que se dará traslado, mediante copia, á Dirección Xeral da Función Pública. A continuación, realizaranse os trámites para a súa alta en nómina.

Cuarto. Contra esta orde, que esgota a vía administrativa, as persoas interesadas poderán interpoñer recurso potestativo de reposición ante esta consellería, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou poderán impugnala directamente ante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 24 de novembro de 2020

Francisco José Conde López
Vicepresidente segundo e conselleiro de Economía, Empresa e Innovación

ANEXO I

Datos do/da funcionario/a:

Apelidos e nome: Mourullo Míguez, Alberto.

DNI: ***0514**.

Corpo ou escala: xeral.

Grupo/ subgrupo: C1-C2.

Denominación do posto: secretario/a do director/a xeral.

Código do posto: EI.A11.00.000.15770.001.

Nivel: 18.

Complemento específico: 6.996,92.

Tipo adscrición: A11 (adscrición indistinta a persoal funcionario da Xunta de Galicia, Estado e comunidades autónomas).

Formación específica: 640 (para persoal doutra Administración, curso de perfeccionamento de galego-requisito imprescindible).

Consellería: Vicepresidencia Segunda e Consellería de Economía, Empresa e Innovación.

Centro directivo: Axencia Galega de Innovación.

Localidade: Santiago de Compostela.

* O DNI mostrase cifrado co fin de protexer os datos de carácter persoal.