O artigo 26 do Real decreto lexislativo 1/2016, do 16 de decembro, polo que se aproba o texto refundido da Lei de prevención e control integrados da contaminación (BOE núm. 316, do 31 de decembro), regula a revisión das autorizacións ambientais integradas.

Os artigos 15 e 16 do Real decreto 815/2013, do 18 de outubro, polo que se aproba o Regulamento de emisións industriais e de desenvolvemento da Lei 16/2002, do 1 de xullo, de prevención e control integrados da contaminación (BOE núm. 251, do 19 de outubro de 2013), regulan o procedemento de revisión das autorizacións ambientais integradas.

Para os efectos previstos no artigo 15.5.a) do Real decreto 815/2013 sométese a información pública, durante un período de vinte (20) días hábiles contados a partir do día seguinte ao da publicación deste anuncio no Diario Oficial de Galicia, o documento titulado:

– «Proxecto de revisión de autorización ambiental integrada a granxa de porcas nais de Nutrimentos Deza ,S.A . en Vila de Cruces (Pontevedra)».

Para que calquera interesado poida consultalo e, de ser o caso, presentar dentro do citado prazo as alegacións, suxestións ou observacións que considere convenientes.

O documento estará á disposición dos administrados nas dependencias da Dirección Xeral de Calidade Ambiental, Sostibilidade e Cambio Climático, Servizo de Prevención e Control Integrados da Contaminación, en horario de atención ao público (rúa de San Lázaro, s/n, Santiago de Compostela). Ademais, tamén se poderá consultar na páxina web da Consellería de Medio Ambiente, Territorio e Vivenda (http://cmatv.xunta.gal/>>medio ambiente e sostibilidade>>prevención e control de actividades>>autorización ambiental integrada>>proxectos en información pública).

Santiago de Compostela, 2 de novembro de 2020

María Sagrario Pérez Castellanos
Directora xeral de Calidade Ambiental e Cambio Climático

ANEXO I

Memoria resumo

Expediente: 2019-IPPC-M-107.

Núm. da autorización ambiental integrada: 2011-IPPC-11-257.

Categoría principal da actividade: anexo I, grupo 9.3.c.

Titular: Nutrimentos Deza, S.A.

CIF: A36011385.

Enderezo social: Margaride, s/n, Silleda (Pontevedra).

Localización da instalación: Besexos, concello de Vila de Cruces (Pontevedra).

Actividade principal: explotación porcina de porcas reprodutoras.

Descrición: a explotación ten autorización ambiental integrada para máis de 750 prazas de porcas reprodutoras. A instalación dispón de 4 naves, 2 caldeiras de gas propano para abastecer ao sistema de calefacción e 2 grupos electróxenos. Ademais, dispón dun conxunto de fosas interiores e de 2 fosas exteriores cubertas que garanten o almacenamento do xurro producido en 6 meses.

Verteduras: as aguas residuais xeradas nos aseos e vestiarios son recollidas na fosa de xurro número 1. As aguas residuais procedentes de la limpeza das naves son recollidas nas fosas interiores das naves xunto co xurro producido, para ser xestionadas posteriormente como fertilizante agrícola. As aguas pluviais verteranse directamente ao terreo.

O xuro xerado será valorizado como fertilizante en parcelas de uso agrícola.