De conformidade co previsto no artigo 9.3 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade á Resolución do 10 de novembro de 2020, do Servizo Galego de Saúde, pola que se encomenda á Axencia Galega para a Xestión do Coñecemento en Saúde a xestión da formación en xestión e uso de gases medicinais, derivada da contratación centralizada de gases medicinais MI-SER1-16-021.
– Actividade:
En virtude desta encomenda, a Axencia asumirá:
a) A xestión da asistencia do alumnado proposto para cada actividade formativa.
Estas actividades formativas deben estar enmarcadas dentro da formación referida ao uso dos gases medicinais e das súas instalacións.
b) A programación, planificación e xestión das actividades formativas propostas polo Servizo Galego de Saúde, dentro dos límites orzamentarios establecidos.
c) A elaboración de vídeos titoriais sobre as infraestruturas hospitalarias para a subministración de gases medicinais, o manexo de equipamentos de dispensación e as medidas de seguridade que se van aplicar.
A xestión das actividades formativas por parte de Acis incluirá a xestión da acreditación dos cursos dirixidos aos profesionais sanitarios, a xestión das inscricións dos destinatarios, a planificación, programación, disposición e/ou contratación dos recursos formativos, humanos e materiais para a realización das actividades, a supervisión da execución dos cursos, a avaliación da satisfacción dos asistentes e da calidade da formación, a expedición de certificados de asistencia e de avaliación, a xestión económica das actividades formativas e a información sobre as actividades encomendadas para o seu control e verificación.
A Acis, no desenvolvemento da actividade encomendada, seguirá as directrices e instrucións da Consellería de Sanidade-Servizo Galego de Saúde, á cal lle corresponden os poderes de verificación e control da encomenda. O Servizo de Coordinación de Servizos Xerais da Subdirección Xeral de Compras e Servizos (Dirección Xeral de Recursos Económicos), como servizo promotor e responsable da execución dos contratos centralizados de gases medicinais do Servicio Galego de Saúde, verificará e controlará esta encomenda.
– Natureza e alcance da xestión encomendada: o encargo ten natureza de encargo a medio propio, de acordo co disposto no artigo 47 e seguintes da Lei 16/2010, do 17 de decembro, e no artigo 13 da Lei 14/2013, do 26 de decembro, de racionalización do sector público autonómico. Tal condición de medio propio está recollida no artigo 5 do Decreto 112/2015, do 31 de xullo, polo que se crea a Axencia Galega para a Xestión do Coñecemento en Saúde e se aproban os seus estatutos.
– Prazo de vixencia: esta encomenda producirá efectos a partir da súa publicación no Diario Oficial de Galicia e manterase ata que se executen de conformidade e na súa totalidade as actividades encomendadas.
Santiago de Compostela, 10 de novembro de 2020
Julio García Comesaña
Presidente do Servizo Galego de Saúde
ANEXO
Anexo en que se detallan o programa de formación, as datas previstas e os distintos colectivos implicados na xestión e mantemento da subministración de gases medicinais nos centros do Servizo Galego de Saúde, así como o importe económico asignado a cada un deles
|
Denominación da acción formativa |
Persoal a que |
Data prevista |
Nº de horas |
Nº de edicións |
Importe (euros) |
|
Manexo dos gases medicinais no ámbito hospitalario. |
Persoal sanitario |
Feb.-mar. 2021 |
8 |
7 |
6.000 |
|
Manexo dos gases medicinais en atención primaria. |
Persoal sanitario |
Feb.-mar. 2021 |
8 |
7 |
6.000 |
|
Aplicacións dos gases medicinais no ámbito clínico. |
Persoal sanitario |
Feb.-mar. 2021 |
4 |
1 |
600 |
|
Manexo dos gases medicinais en atención primaria. |
Persoal non sanitario |
Feb.-mar. 2021 |
4 |
7 |
3.000 |
|
Manexo de Revit aplicado a instalacións de gases medicinais. Iniciación. |
Persoal non sanitario |
Feb.-mar. 2021 |
40 |
1 |
12.000 |
|
Manexo de Revit aplicado a instalacións de gases medicinais. Avanzado. |
Persoal non sanitario |
Feb.-mar. 2021 |
40 |
2 |
24.000 |
|
A xestión dos gases medicinais a través das aplicacións informáticas. |
Persoal non sanitario |
Nov. 2020 |
4 |
1 |
600 |
|
Xestión e control a través do XMAO do mantemento e instalacións de gases medicinais. Módulo 1. |
Persoal non sanitario |
Nov.-dec. 2020 |
4 |
1 |
2.000 |
|
Xestión e control a traves do XMAO do mantemento e instalacións de gases medicinais. Módulo 2. |
Persoal non sanitario |
Nov.-dec. 2020 |
4 |
1 |
2.000 |
|
Xestión e control a través do XMAO do mantemento e instalacións de gases medicinais. Módulo 3. |
Persoal non sanitario |
Nov.-dec. 2020 |
4 |
1 |
2.000 |
|
Xestión e control a través do XMAO do mantemento e instalacións de gases medicinais. Módulo 4. |
Persoal non sanitario |
Nov.-dec. 2020 |
4 |
1 |
2.000 |
|
Xestión e control a través do XMAO do mantemento e instalacións de gases medicinais. Módulo 5. |
Persoal non sanitario |
Feb.-mar. 2021 |
4 |
1 |
2.000 |
|
Xestión e control a través do XMAO do mantemento e instalacións de gases medicinais. Módulo 6. |
Persoal non sanitario |
Feb.-mar. 2021 |
4 |
1 |
2.000 |
|
Xestión e control a través do XMAO do mantemento e instalacións de gases medicinais. Módulo 7. |
Persoal non sanitario |
Feb.-mar. 2021 |
4 |
1 |
2.000 |
|
Xestión e control a través do XMAO do mantemento e instalacións de gases medicinais. Módulo 8. |
Persoal non sanitario |
Feb.-mar. 2021 |
4 |
1 |
2.000 |
|
Micropílulas formativas en formato multimedia co obxectivo: «presentación dos centros sanitarios como lugar seguro e eficaz na atención do paciente con fraxilidade respiratoria. Influencia dos gases medicinais». |
Persoal sanitario e non sanitario |
Abr. 2021 |
------ |
1 |
26.120,77 |
|
Totais |
94.320,77 € |
||||
