O Concello de Aranga, na sesión do 28 de outubro de 2020, acordou admitir a trámite o Convenio de xestión para o financiamento das obras de reforzo e extensión da rede de distribución de enerxía eléctrica, proposto pola Xunta de Compensación do Plan de sectorización de Montesalgueiro Sector M-3.

De conformidade co disposto no artigo 168 da Lei 2/2016, do solo de Galicia, e no artigo 83 da Lei 39/2015, do procedemento administrativo común das administracións públicas, sométese a información pública polo prazo dun mes, contado desde o seguinte á publicación do presente anuncio no Diario Oficial de Galicia.

Durante o devandito prazo o expediente poderá ser examinado por calquera interesado nas dependencias desta Administración e formularse cantas alegacións, suxestións ou observacións se consideren convenientes.

Aranga, 29 de outubro de 2020

Alberto Platas Álvarez
Alcalde