DOG 237 do 24/11/2020 - ACORDO do 2 de novembro de 2020, da Xefatura Territorial da Coruña, polo que se somete a información pública a solicitude de autorización administrativa previa, a declaración de utilidade pública, en concreto, e a necesidade de urxente ocupación, a autorización administrativa de construción, o proxecto sectorial de incidencia supramunicipal e o estudo de impacto ambiental do proxecto do parque eólico Feás, nos concellos de Aranga e Coirós (expediente IN408A 2019/09).

VI. Anuncios

a) Administración autonómica

Vicepresidencia segunda e Consellería de Economía, Empresa e Innovación

ACORDO do 2 de novembro de 2020, da Xefatura Territorial da Coruña, polo que se somete a información pública a solicitude de autorización administrativa previa, a declaración de utilidade pública, en concreto, e a necesidade de urxente ocupación, a autorización administrativa de construción, o proxecto sectorial de incidencia supramunicipal e o estudo de impacto ambiental do proxecto do parque eólico Feás, nos concellos de Aranga e Coirós (expediente IN408A 2019/09).

En cumprimento do disposto na Lei 24/2013, do 26 de decembro, do sector eléctrico; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 21/2013, de 9 de decembro, de avaliación ambiental; no Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal; na Lei 10/1995, do 23 de novembro, de ordenación do territorio de Galicia; e no artigo 39 da Lei 8/2009, do 22 de decembro, pola que se regula o aproveitamento eólico en Galicia e se crea o canon eólico e o fondo de compensación ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia, e demais normas vixentes de aplicación, sométese a información pública a solicitude relacionada coas instalacións que se describen a seguir:

Solicitante/promotor: Galenergy, S.L.-NIF B27504737.

Domicilio social: avenida de Compostela, 11, 27200 Palas de Rei (Lugo).

Denominación do proxecto: parque eólico Feás.

Concellos afectados: Aranga e Coirós (A Coruña).

Potencia que se vai instalar: 40 MW.

Número de aeroxeradores que se van instalar: 8×5,00 MW de potencia nominal unitaria.

Produción neta: 124.725 MWh/ano.

Orzamento total (execución material): 40.534.594,96 €.

Localización (área de afección):

– Parque eólico Feás (Aranga e Coirós):

Vértice poligonal	ETRS89 H29
Vértice poligonal	UTM-X	UTM-Y
a	573.600	4.787.800
b	576.300	4.786.200
c	576.300	4.785.000
d	572.400	4.785.000
e	572.400	4.786.000

– Parque eólico Feás (Aranga e Coirós):

Aeroxerador	ETRS89 H29
Aeroxerador	UTM-X	UTM-Y
A01	573.801,7	4.787.084,4	Coirós
A02	574.140,2	4.786.837,1	Aranga
A03	574.439,2	4.786.571,5	Aranga
A04	574.847,5	4.786.448,5	Aranga
A05	575.395,8	4.786.061,6	Aranga
A06	575.750,0	4.785.862,3	Aranga
A07	573.076,7	4.786.047,7	Coirós
A08	573.444,0	4.785.897,0	Coirós

– Parque eólico Feás (Coirós):

Torre meteorolóxica	ETRS89 H29
Torre meteorolóxica	UTM-X	UTM-Y
1	574.417,0	4.786.148,0

– Parque eólico Feás (Aranga):

Subestación	ETRS89 H29
Subestación	UTM-X	UTM-Y
1	574.546,5	4.786.352,5

Características técnicas das instalacións:

– 8 aeroxeradores de 5 MW de potencia unitaria, con velocidade variable e paso variable, altura ata a buxa de 127,5 m e un diámetro de rotor de 145 m.

– 8 centros de transformación montados en góndola de potencia unitaria de 5.300 kVA e relación de transformación de 0,69/30 kV, e coas súas correspondentes celas metálicas de seccionamento, manobra e protección.

– Rede eléctrica soterrada a 30 kV, de interconexión entre os centros de transformación dos aeroxeradores e a subestación transformadora do parque, de 30/220 kV, proxectada, composta por 2 circuítos con condutores tipo HEPRZ1 Al 18/30 kV de diversas seccións.

– Rede de terras xeral de modo que as instalacións electromecánicas e a subestación do parque eólico forman un conxunto equipotencial. A rede de terras dos aeroxeradores será con condutor de Cu-50 mm², a do centro de control con Cu-95 mm² e a SET con Cu-120 mm².

– Subestación con transformador de potencia intemperie, trifásico, en baño de aceite, de potencia 40/45 MVA ONAN/ONAF, relación de transformación 220/30 kV, distribuído da seguinte forma:

• Parque de 220 kV en intemperie con dúas posicións de liña e unha posición de transformador.

• Parque de 30 kV cunha posición de transformador e celas en interior do edificio coa seguinte configuración: unha posición de transformador, 2 posicións de liña para a conexión dos aeroxeradores, unha posición de transformador de servizos auxiliares.

– No edificio tamén se situará o centro de control, xunto coas comunicacións, proteccións e un transformador de servizos auxiliares de tipo seco de 100 kVA e relación de transformación 30/0,4 kV.

– A liña de saída da subestación de Feás está previsto que verta a enerxía xerada nunha posición de 220 kV na SET de Abegondo (en planificación de REE), logo de realizar entrada e saída na subestación de Seselle (en tramitación no expediente IN408A 2020/010). Todas estas instalacións non son obxecto deste proxecto.

– 1 torre meteorolóxica de medición de 127,5 metros.

Obxecto da información pública:

A autorización administrativa previa, a declaración de utilidade pública, en concreto, a necesidade de urxente ocupación que iso implica, a autorización administrativa de construción, o proxecto sectorial de incidencia supramunicipal e o estudo de impacto ambiental das instalacións. A declaración de utilidade pública levará implícita, de acordo co artigo 56 da Lei 24/2013, do 26 de decembro, do sector eléctrico, a necesidade da urxente ocupación para os efectos da expropiación forzosa dos bens e dereitos afectados necesarios para o establecemento destas instalacións.

Documentación que se expón:

1. O proxecto de execución (decembro 2019-visado o 25.3.2020).

1.1. A relación concreta e individualizada dos propietarios de bens e dereitos afectados (RBDA-Dec. 2019-asin. 24.8.2020), que figura no anexo a este acordo.

1.2. Planos individuais dos predios afectados (RBDA-Dec. 2019-asin. 24.8.2020).

2. O estudo de impacto ambiental refundido (EIA) (asin. 18.8.2020).

3. O proxecto sectorial de incidencia supramunicipal (marzo 2020-visado o 25.3.2020).

O que se fai público, de conformidade co artigo 33.8 da Lei 8/2009, do 22 de decembro, pola que se regula o aproveitamento eólico en Galicia e se crea o canon eólico e o fondo de compensación ambiental (modificada pola Lei 5/2017, do 19 de outubro, de fomento da implantación de iniciativas empresariais en Galicia), para o coñecemento xeral, así como, en particular, dos propietarios dos predios que figuran nas relacións anexas a este acordo, e das persoas que, sendo titulares de dereitos reais ou intereses económicos sobre os bens afectados, fosen omitidas, para que poidan examinar a documentación técnica anteriormente relacionada e, se for o caso, presentar as alegacións ou observacións que coiden oportunas dentro do prazo de trinta (30) días, que se contará a partir do día seguinte ao da última publicación deste acordo.

A documentación estará á disposición dos interesados nas dependencias da sección de Enerxía desta Xefatura Territorial da Coruña da Consellería de Economía, Empresa e Innovación, (rúa Vicente Ferrer, núm. 2, 2º andar, 15071 A Coruña, das 9.00 ás 14.00 horas, de luns a venres, con cita previa no correo electrónico seccion.enerxia.coruna@xunta.es ou nos teléfonos 981 18 49 83 e 18 49 23), así como nos concellos de Aranga e Coirós (A Coruña). Ademais, tamén se poderá consultar no portal web da Consellería de Economía, Empresa e Innovación:

https://ceei.xunta.gal/transparencia/parque-eolico-feas

O estudo de impacto ambiental estará tamén dispoñible, durante o mesmo prazo, nas dependencias da Xefatura Territorial da Coruña da Consellería de Medio Ambiente, Territorio e Vivenda.

A Coruña, 2 de novembro de 2020

Isidoro Martínez Arca
Xefe territorial da Coruña

Disposición transitoria terceira. Decreto 130/2020, do 17 de setembro, polo que se fixa a estrutura orgánica das vicepresidencias e das consellerías da Xunta de Galicia

ANEXO

Relación de bens e dereitos afectados polo parque eólico Feás (IN408A 2019/09) nos concellos de Aranga e
Coirós (A Coruña)

Predio	Titular(es)	Datos catastrais		Lugar	Cultivo	Nº aero	Afeccións (m²)
Predio	Titular(es)	Datos catastrais		Lugar	Cultivo	Nº aero	Pleno dominio				Serv. paso		Serv. voo	Ocup. temp	Serv. forestal
Pol.	Par.	Cim.	Plat.	Sub.	T. met.	Vieiro	Gabia						Serv. voo	Ocup. temp	Serv. forestal
– Concello de Aranga
2	Descoñecido	6	2	Avieira	Eucaliptus	1		1.273,3			959,1	306,2	7.492,9	2.979,5
5	González Álvarez Jesús Sergio	6	294	Abeleira	Piñeiral madeirable						1.218,0	368,7
6	González Álvarez Mª Andrea	6	295	Abeleira	Piñeiral madeirable						1.154,8	351,7
7	Vázquez Souto Genaro	6	3	Abeleira	Piñeiral madeirable						75,7	10,4
8	Peteiro Platas Pedro	6	117	Avieira	Matogueira	2					1.071,9	343,3	3.374,7	467,3
9	MVMC Marina Calzada, Agre	6	118	Marina Calzada	Eucaliptus	2	359,7	1.861,9			9.319,7	2.611,3	1.9154,4	1.931.3
10	MVMC Marina Calzada, Agre	6	120	Marina Calzada	Eucaliptus	4	359,7	2.619,5			8.337,7	1.283,7	1.5258,6	937,7
11	MVMC Marina Calzada, Agre	6	245	Marina Calzada	Pradería	3,4	359,7	2.099,1	7.831,3		10702.4	3.798,8	2.6112,4	6487,9	1.5728,6
12	MVMC Marina Calzada, Agre	6	244	Marina Calzada	Pradería						1.070,8
13	MVMC Marina Calzada, Agre	6	219	Marina Calzada	Matogueira	5	359,7	1.938,8			3.981,9	1.075,2	2.2602,2	2.624,4
14	Rivas Otero Antonio	6	233	Travesa	Pradería	5					518,0	312,9	60,5	1.132,9
15	Pérez Martínez David	6	223	Travesa	Matorral						2.155,7	733,8		123,5
16	Rivas Otero Antonio	6	232	Travesa	Eucaliptus						1.307,6	549,8
17	MVMC Marina Calzada, Agre	6	215	Marina Calzada	Matogueira	6		1.549,3			291,7	111,8	7.704,8
18	Yañez Fernández Elvira	6	216	Pico	Eucaliptus	6	359,7	1.727,4			2.519,7	328,4	1.0973,8	1.091,5
19	Masa Común	6	217	Travesa	Praderías	6							1.362,9	1.157,9
20	Vázquez Manso Josefa	5	35	Pico	Eucaliptus	6							1.063,9
21	Espiñeira Cachaza Mercedes Emilia	5	36	Pico	Matogueira	6							1.008,8
22	Andreu Golpe Delia	6	236	Belido	Eucaliptus						620,7	222,3
23	Descoñecido	6	237	Travesa	Matogueira						913,4	330,8
24	Mosquera Rilo Manuel	6	239	Penediños	Matogueira						1.372,7	493,7
25	Descoñecido	6	241	Regalados	Matogueira						538,0	144,4
26	Descoñecido	6	242	Regalados	Matogueira						2.283,1	780,2
27	Descoñecido	6	248	Regalados	Matogueira						513,8	127,4
28	Descoñecido	6	1	Avieira	Eucaliptus	1							1.707,5
29	Souto Ares Dominga	6	6	Abeleira	Eucaliptus						494,1
45	Castro Fernández Mª José	6	125	Pico	Eucaliptus								0,8
– Concello de Coirós
1	Naveira Rivas Luciano	18	113	Revolta Moura	Matogueira	1	359,7	539,8			230,2	317,9	1.2626,4	1.321,6
3	De Barutell Rubio José Mª	18	114	Revolta Moura	Piñeiral madeirable	1						31,4	28,8	1,9
4	Brañas Méndez Ana Mª	18	115	Revolta Moura	Agrario	1							1,0
30	XPMV Recebes ou Costa do Sal	23	36	Recebes	Eucaliptus, matogueira	3,7,8	400,9	2.221,8		529,0	2.4088,8	8.274,0	2.2163,4	4.772,6	6.401,9
31	Otero Roca Mª José	23	5	As Laxes	Eucaliptus							306,4
32	Morente Torres María	23	6	As Laxes	Eucaliptus							294,4
33	Fiaño Sánchez Manuel	22	264	Penedo Grande	Eucaliptus	7							4.768,2
34	Vázquez Seoane Hnos	22	265	Pena Cerdeira	Eucaliptus	7	34,3	1.918,3					4.608,9
35	López Espiño Ricardo	22	266	O Rego	Eucaliptus	7					347,0		962,1
36	López Espiño Ricardo	23	35	Rego	Eucaliptus	7	213,4	626,4			175,1	187,3	3.180,3	1.299,5
37	Pérez Loureiro José	23	23	O Pinche	Eucaliptus	7		280,0			402,9	219,5	2.326,5	1.619,8
38	Cadaveira García José	23	28	Rego	Eucaliptus						388,3
39	López Espiño Ricardo	22	272	As Grandes	Eucaliptus						1.057,8
40	XPMV Recebes ou Costa do Sal	23	40	As Laxes	Eucaliptus						952,6
41	Descoñecido	23	60002	Recebes	Pastos	3					96,6		718,8		55,3
42	Otero Rodríguez Jose Ramón	18	112	Penas Longas	Agrario	1							55,9
43	Carro Galeiras Fco. Carlos	22	94	Revolta Moura	Eucaliptus	1							15,4
44	Álvarez Bonome Antonio	22	300	Revolta Moura	Eucaliptus	2							0,7
46	Tizón Fiaño Alfonso	22	263	Pena Cerdeira	Eucaliptus	7							161,2
47	Rodríguez Vázquez Mª Isabel	23	43	Recebes	Agrario	8					627,3	231,7	7.503,7	63,0

Afeccións en metros cadrados (m²):

• Superficie de pleno dominio:

– Cimentación (Cim.): cimentación do aeroxerador.

– Plataforma (Plat.): plataforma de montaxe do aeroxerador.

– Subestación (Sub.): subestación eléctrica.

– Torre meteorolóxica (T. met.): plataforma da torre meteorolóxica.

• Servidume de paso:

– Vieiro: dereito de paso polos vieiros poloa cales circularán os transportes para a construción, vixilancia, conservación e reparación das instalación do parque eólico.

– Gabia: servidume de paso da líña eléctrica soterrada.

• Servidume de voo das pas dos aeroxeradores (Serv. voo).

• Outras afeccións:

– Ocupación temporal (Ocup.temp.): ocupación de terreos durante o período de duración das obras. Serve temporalmente como almacén de materiais, montaxe de guindastres, almacén de pas e outros compoñentes dos aeroxeradores, etc.

Servidume forestal (Serv. forestal): servidume por rede primaria, secundaria e terciaria da faixa de xestión de biomasa derivada da Lei 3/2007, do 9 de abril, de prevención e defensa contra os incendios forestais de Galicia.