Ao non ser posible a práctica da comunicación aos titulares das referencias catastrais que se relacionan a seguir por causas non imputables a esta administración, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, faise pública a comunicación de xestión de biomasa co fin de que no prazo de quince (15) días, que comezarán a contar desde o día seguinte ao da publicación do presente edicto no Boletín Oficial del Estado, os interesados no procedemento procedan á xestión da biomasa, segundo o establecido nos artigos 135 e 136 da Lei 2/2016, do 10 de febreiro, do solo de Galicia, e 21 da Lei 3/2007, do 9 de abril, de prevención e defensa contra os incendios forestais en Galicia, así como á retirada das especies arbóreas prohibidas a que se refire o artigo 22 da citada lei.
En caso de persistencia no incumprimento despois do transcurso do prazo outorgado, procederase á execución subsidiaria sen máis trámites. A persoa titular do terreo ou do dereito de aproveitamento deste deberá facilitar o acceso ao suxeito que realice os traballos de execución subsidiaria, que poderá acceder sen necesidade de consentimento da persoa titular, salvo naqueles supostos excepcionais en que o acceso afecte dentro da parcela espazos físicos susceptibles de merecer a cualificación de domicilio segundo o artigo 18.2 da CE.
Se persiste no incumprimento despois do prazo outorgado, iniciarase o correspondente procedemento sancionador, que será competencia da Xefatura Territorial da Consellería do Medio Rural, dunha sanción leve cunha multa de ata 1.000 €.
A eficacia do acto notificado quedará demorada ata a publicación do pertinente anuncio no taboleiro de edictos único (TEU) do Boletín Oficial del Estado (BOE).
Así mesmo, ponse en coñecemento da persoa responsable que o contido íntegro da citada notificación, así como a totalidade do expediente administrativo, está á súa disposición nas oficinas municipais do Concello de Vilamartín de Valdeorras, situadas na avda. da Constitución núm. 8, das 9.00 ás 14.00 horas, os días laborables, de luns a venres.
Vilamartín de Valdeorras, 9 de novembro de 2020
Enrique Álvarez Barreiro
Alcalde presidente
ANEXO
Núm. exp. |
Referencia catastral |
Propietarios |
Liquidación provisional de custos |
122/2019 |
32089A013005830000QA |
Herdeiros de Saturnina Dobao Vicente |
653,79 € |
412/2018 |
32089A026016780000QF |
Descoñecido |
6.500 € |
332/2018 |
32089A015001650000QO |
Descoñecido |
4.844,63 € |