Co obxecto de dar cumprimento ao establecido no artigo 18.8 do Decreto 66/2016, do 26 de maio, polo que se aproba o Regulamento xeral de estradas de Galicia, procedeuse a publicar, no Boletín Oficial da provincia de Pontevedra e na páxina web www.depo.gal, o contido das seguintes actas de entrega de tramos de estradas provinciais:
No BOPPO número 176, do 11 de setembro de 2020:
– Acta de entrega ao Concello de Gondomar de dous treitos antigos da estrada provincial E.P. 2303 Gondomar-Vilaza-Parada, asinada o día 28 de agosto de 2020.
No BOPPO número 200, do 16 de outubro de 2020:
– Acta de entrega ao Concello de Arbo de diversos treitos da estrada provincial E.P. 5003 A Cañiza-Arbo, asinada o día 6 de outubro de 2020.
– Acta de entrega ao Concello de Arbo do treito comprendido entre o punto quilométrico 1+165 e o punto quilométrico 1+743 da estrada provincial E.P. 5202 Arbo-Embarcadoiro, asinada o día 6 de outubro de 2020.
O que se fai público para xeral coñecemento e demais efectos.
Pontevedra, 29 de outubro de 2020
|
A presidenta da Deputación Provincial de Pontevedra |
Carlos Cuadrado Roma |
