Convocada mediante a Resolución do 12 de xuño de 2020 (DOG núm. 124, do 25 de xuño), a provisión de dous postos de coordinador/a de Urxencias da Área Sanitaria de Santiago de Compostela e Barbanza, esta xerencia, en virtude das competencias atribuídas polo Decreto 137/2019, do 10 de outubro (DOG núm. 208, do 31 de outubro), polo que se establece a estrutura orgánica do Servizo Galego de Saúde, e o Decreto 134/2019, do 10 de outubro (DOG núm. 204, do 25 de outubro), polo que se regulan as áreas sanitarias e os distritos sanitarios do Sistema público de saúde de Galicia, e pola Orde do 22 de abril de 2020 (DOG núm. 82, do 29 de abril), de delegación de competencias en órganos centrais e periféricos da Consellería de Sanidade e do Servizo Galego de Saúde, a xerente da Área Sanitaria de Santiago de Compostela e Barbanza
DISPÓN:
Primeiro. Resolver a convocatoria pública para a provisión de dous postos de coordinador/a de Urxencias para o Complexo Hospitalario Universitario de Santiago de Compostela e para o Hospital Público da Barbanza, adscritos a Área Sanitaria de Santiago de Compostela e Barbanza, convocada mediante a Resolución do 12 de xuño de 2020 da dita xerencia (DOG núm. 124, do 25 de xuño).
Segundo. Nomear, para os postos que se indican, as persoas citadas no anexo desta resolución.
Terceiro. De conformidade coa base décima da convocatoria, os candidatos nomeados serán avaliados, antes de que transcorran catro anos desde o seu nomeamento, para os efectos de prorrogar o desempeño da xefatura, por idéntico período, ou proceder á súa remoción.
Cuarto. Os aspirantes nomeados deberá cesar na praza que desempeñen dentro dos tres días hábiles seguintes a aquel en que se publique esta resolución no Diario Oficial de Galicia.
A toma de posesión do posto de traballo adxudicado deberase efectuar dentro dos tres días hábiles seguintes ao do cesamento, se a praza desempeñada e o posto adxudicado son da mesma área sanitaria, ou no prazo de quince días hábiles, se son de distinta área sanitaria.
Para estes efectos, entenderase por praza desempeñada a efectivamente ocupada, con independencia de que sexa en condición de destino definitivo, adscrición ou destino provisional ou comisión de servizos.
Se así o permiten as necesidades do servizo, e por petición motivada do/a interesado/a, os prazos a que se refiren os parágrafos anteriores poderán ser prorrogados polo órgano convocante.
O prazo de toma de posesión e a súa prórroga terán a consideración de servizo activo e os correspondentes haberes percibiranse de conformidade co que estableza a orde sobre confección de nóminas do persoal ao servizo da Administración autonómica.
Entenderase que solicita a excedencia voluntaria por interese particular, e será declarado/a a nesa situación polo órgano competente, quen non se incorpore ao posto adxudicado no prazo establecido.
Quinto. Contra esta resolución poderase interpoñer recurso de alzada, ante a Dirección Xeral de Recursos Humanos do Servizo Galego de Saúde, no prazo dun mes contado a partir do día seguinte ao da súa publicación, nos termos establecidos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 9 de novembro de 2020
Eloína Núñez Masid
Xerente da Área Sanitaria de Santiago de Compostela e Barbanza
ANEXO
Posto: coordinador de Urxencias do Complexo Hospitalario Universitario de Santiago de Compostela.
Nome e apelidos: Plácido Mayán Conesa.
DNI(*): ***7167**.
Posto: coordinadora de Urxencias do Hospital Público da Barbanza.
Nome e apelidos: Azucena Prieto Zapico.
DNI(*): ***2588**.
(*) DNI: ocúltase parcialmente o número de documento nacional de identidade para preservar os datos de carácter persoal, de acordo coa Lei orgánica 3/2018, do 5 de decembro.
