Aprobada inicialmente polo Concello Pleno do 2 de outubro de 2020 a modificación puntual nº 11 do Plan xeral de ordenación municipal do Concello do Carballiño para adaptar a normativa do réxime de fóra de ordenación á Lei 2/2016.
En cumprimento de tal acordo e das prescricións contidas no artigo 60.5 da Lei 2/2016, do 10 de febreiro, do solo de Galicia, sométese o expediente a información pública polo prazo de dous (2) meses, mediante anuncio que se publicará no Diario Oficial de Galicia e nun dos xornais de maior difusión na provincia, así como na sede electrónica deste concello www.carballino.gal.
Durante o período de información pública quedará o expediente á disposición de calquera que queira examinalo, para os efectos de que se presenten as alegacións e suxestións que se consideren pertinentes.
A aprobación inicial comporta a suspensión do outorgamento de licenzas no ámbito afectado, suspensión que se extinguirá coa aprobación definitiva da modificación puntual nº 11 do PXOM.
O Carballiño, 5 de outubro de 2020
Francisco José Fumega Piñeiro
Alcalde