Logo de solicitude do concesionario Marina Náutica Arousa, S.L., a presidenta de Portos de Galicia acordou o día 4.9.2020 iniciar o trámite de modificación, por ampliación de prazo extraordinario, da concesión outorgada a Marina Náutica Arousa, S.L. para a explotación das instalacións náutico-deportivas no porto de Vilanova de Arousa.
Para poder xustificar a ampliación de prazo extraordinario segundo o disposto na disposición transitoria segunda da Lei 6/2017 o concesionario acreditou a realización dunha serie de investimentos que ascenden a un total de 92.469,15 € definidos na documentación técnica achegada á solicitude.
En cumprimento do disposto no artigo 70.2 da Lei 6/2017, do 12 de decembro, de portos de Galicia, faise público, para que as persoas e entidades interesadas poidan examinar o expediente e presentar por escrito as alegacións que consideren oportunas na sede electrónica da Xunta de Galicia, https://sede.xunta.gal/portada, usando o procedemento xenérico PR0004, ou nun rexistro habilitado para o efecto, no prazo de vinte (20) días hábiles, contados a partir do seguinte ao de publicación do presente anuncio no Diario Oficial de Galicia.
Santiago de Compostela, 15 de setembro de 2020
Susana Lenguas Gi
Presidenta de Portos de Galicia