Mediante Resolución do 30 de xuño de 2020 iniciouse procedemento para a reavaliación do posto de xefe de servizo de Medicina Interna, de conformidade co establecido no artigo 43 do Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, así como na Resolución do 13 de xullo de 2011 (DOG núm. 144, do 28 de xullo), pola que se procede a dar publicidade á Orde do 6 de xullo de 2011, pola que se establecen as bases do procedemento para a reavaliación de determinadas xefaturas de persoal licenciado sanitario do Servizo Galego de Saúde, e en virtude das competencias atribuídas polo Decreto 137/2019, do 10 de outubro (DOG núm. 208, do 31 de outubro), polo que se establece a estrutura orgánica do Servizo Galego de Saúde, e no Decreto 134/2019, do 10 de outubro (DOG núm. 204, do 25 de outubro) polo que se regulan as áreas sanitarias e os distritos sanitarios do Sistema público de Galicia, así como na Orde do 22 de abril de 2020 (DOG núm. 82, do 29 de abril), sobre delegación de competencias en órganos centrais e periféricos da Consellería de Sanidade e do Servizo Galego de Saúde e na Axencia Galega para a Xestión do Coñecemento en Saúde modificada pola Orde do 25 de maio de 2020 (DOG núm. 103, do 29 de maio).

O día 18 de setembro de 2020 tivo lugar o acto público de reavaliación, no cal o candidato, Emilio José Casariego Vales, expuxo ante a Comisión Técnica Especializada o seu informe de actividade do período avaliado, así como o proxecto de actividade e programa de obxectivos para os vindeiros catro anos.

Tras o acto de reavaliación, a Comisión acordou trasladar á Xerencia da Área Sanitaria de Lugo, A Mariña e Monforte de Lemos proposta motivada favorable á prórroga do devandito nomeamento.

En virtude do anterior, esta Xerencia

DISPÓN:

Primeiro. Resolver o procedemento para a reavaliación do posto de xefe de Servizo de Medicina Interna do Hospital Universitario Lucus Augusti (Complexo Hospitalario Universitario de Lugo) iniciado por Resolución do 30 de xuño de 2020.

Segundo. Prorrogar por un período de catro anos o nomeamento como xefe de Servizo de Medicina Interna á persoa relacionada no anexo da presente resolución, tendo en conta que ao termo do citado período se realizará un novo procedemento de reavaliación.

Contra a presente resolución poderá interpoñerse, nos termos previstos na Lei 39/2015, do 1 de outubro, do procedemento administrativo común das administracións públicas, recurso de alzada perante a Dirección Xeral de Recursos Humanos do Servizo Galego de Saúde, no prazo dun mes contado desde o día seguinte ao da súa publicación.

Lugo, 21 de setembro de 2020

Ramón Ares Rico
Xerente da Área Sanitaria de Lugo, A Mariña e Monforte de Lemos

ANEXO

Denominación do posto: xefe de Servizo de Medicina Interna.

Nome e apelidos: Emilio José Casariego Vales.

DNI: ***3602**.

(*) O número do DNI da persoa relacionada móstrase cifrado en protección de datos de carácter persoal, segundo a Lei orgánica 3/2018, do 5 de decembro, de protección de datos persoais e garantía dos dereitos dixitais.