Antecedentes:

Por Resolución do director da Axencia Galega de Infraestruturas do 3 de setembro de 2020 aprobouse provisionalmente o contido do documento para información pública do proxecto de construción: Senda na AC-301 entre os pp.qq. 2+250-2+800, de clave AC/19/128.06.

O artigo 6.2 da Lei 8/2013, do 28 de xuño, de estradas de Galicia, e o artigo 12.2 do Decreto 66/2016, do 26 de maio, polo que se aproba o Regulamento xeral de estradas de Galicia, determinan que os espazos destinados a sendas para peóns ou para a circulación de ciclistas teñan a consideración de elementos funcionais da estrada. Tendo en conta este precepto, a Xunta de Galicia elaborou a Estratexia en materia de Mobilidade Alternativa de Galicia, entre cuxos obxectivos está o fomento dos sistemas de transporte alternativos aos motorizados, que permitan minimizar as repercusións sobre o ambiente e os seus impactos sociais e económicos.

O obxecto do proxecto é definir, xustificar e valorar as actuacións necesarias para a mellora da seguridade vial e o fomento da mobilidade sustentable na estrada autonómica AC-301, no treito comprendido entre os pp.qq 2+250 e 2+800 (marxe esquerda), e a antiga AC-299 (estrada actualmente de titularidade local), sendo a lonxitude total da senda proxectada de 820 m e permitindo a conexión dos itinerarios peonís xa existentes no polígono industrial de Rois/Padrón coas beirarrúas do núcleo rural de Rois.

Ademais da propia senda, recóllense tamén as seguintes actuacións complementarias:

• Mellora do trazado da estrada AC-301 na contorna do p.q. 2+450.

• Adaptación e mellora da intersección situada a altura do p.q. 2+520.

• Reposición do camiño de servizo na contorna do p.q. 2+450.

• Execución da drenaxe de augas pluviais e a reposición daqueles servizos afectados pola execución das obras.

Considerando todo o exposto e o establecido na normativa vixente,

RESOLVO:

Primeiro. De acordo co establecido no artigo 21.1 da Lei 8/2013, do 28 de xuño, de estradas de Galicia, e no artigo 50 do Decreto 66/2016, do 26 de maio, polo que se aproba o Regulamento xeral de estradas de Galicia, o mencionado documento sométese ao trámite de información pública durante un período de trinta (30) días hábiles, contados a partir do seguinte ao da publicación deste anuncio no Diario Oficial Galicia, para que as persoas que o consideren oportuno poidan formular por escrito, ante a Axencia Galega de Infraestruturas, as observacións que crean convenientes relativas á concepción global do trazado deseñado.

Segundo. Que simultaneamente ao trámite sinalado no parágrafo anterior, e para os efectos previstos no artigo 56.1 do Decreto do 26 de abril de 1957, polo que se aproba o Regulamento de expropiación forzosa, sométese a información pública a relación individual de bens, dereitos e propietarios afectados pola realización da obra correspondente, para que os afectados presenten cantas alegacións ou rectificacións consideren convenientes en canto aos bens e dereitos descritos na relación anexa.

Terceiro. Do mesmo xeito, sométese o presente proxecto a información pública para os efectos do establecido no Real decreto 849/1986, do 11 de abril, polo que se aproba o Regulamento do dominio público hidráulico, en relación coa protección do dominio público hidráulico e coas actuacións neste ou na súa zona de policía.

Cuarto. A exposición ao público, para os efectos da presente resolución, realízase na Axencia Galega de Infraestruturas (San Caetano, s/n, 15781 Santiago de Compostela), no Servizo de Infraestruturas da Coruña (rúa Vicente Ferrer, 2, 15008 A Coruña), na Casa do Concello de Rois (lugar Samil, 1, 15911 Rois-A Coruña). Así mesmo, na páxina web da Consellería de Infraestruturas e Mobilidade (https://infraestruturasemobilidade.xunta.gal/organizacion/c/CIV_Axencia_Galega_de_Infraestruturas), atópase a disposición dos interesados a separata do proxecto de construción.

Santiago Compostela, 15 de setembro de 2020

Francisco Menéndez Iglesias
Director da Axencia Galega Infraestruturas

ANEXO

Relacion de bens, dereitos e propietarios afectados

Título: senda na AC-301 entre os pp.qq. (puntos quilométricos) 2+250-2+800.

Clave: AC/19/128.06.

Concello de Rois.

Nº	Ref. catastral	Parcela	Políg.	Titular	NIF	Clas. NN SS	Uso catastral	Sit. bas. solo	Sup. catastral total	Sup. solo afectado	Bens afectados	Medición
001	15075B11900363	119	00363	Aluminios Cortizo, S.A.	A15077761	Solo urbano consolidado industrial	Industrial	Urbanizado	28.557	410,50	Peche malla T. torsión s/ muro formigón+árbore ornamental+peche de prantas ornamentais	4 ml+2 ud. +10 ml
002	15075B11900113	119	00113	CMVMC Oin	---	Solo urbanizable non delimitado	Solo sen edif.	Rural	140.024	944,00	Árbol madeireiro	15 ud.
003	15075B11909507	119	09507	ADIF-Alta velocidade	Q2802152E	Solo urbanizable non delimitado	Agrario	Rural	76.759	105,00
004	15075B11900398	119	00398	Piñeiro Ares, Virtudes	***6340**	Solo urbanizable non delimitado	Agrario	Rural	2.806	173,00	Árbol madeireiro	4 ud.
005	15075A12000177	120	00177	Acosta López, Sara Joaquina	***3926**	Solo urbanizable non delimitado	Agrario	Rural	4.688	78,00	Árbol madeireiro	4 ud.
006	15075A12000176	120	00176	Figueroa Acosta, Josefa	***0093**	Solo urbanizable non delimitado	Agrario	Rural	1.767	90,00	Árbol madeireiro	4 ud.
007	15075A12000175	120	00175	Otero Sorribas, Ramona	---	Solo urbanizable non delimitado	Agrario	Rural	3.085	2.630,50	Árbol madeireiro	80 ud.
008	15075A12000174	120	00174	Baleirón Vázquez, Mª Teresa	***1310**	Solo urbanizable non delimitado	Agrario	Rural	2.559	335,00
009	15075A12100121	121	00121	CMVMC Oin	---	Solo urbanizable non delimitado	Agrario	Rural	17.194	610,00
010	15075A12100129	121	00129	Bustelo Figueira, Mª del Carmen	***9963**	Solo urbanizable non delimitado	Agrario	Rural	4.719	118,50
011	15075A12100134	121	00134	Cabo Agrasar, Orestila Purificación	***6462**	Solo urbanizable non delimitado	Agrario	Rural	612	110,50