O Sindicato Nacional de Comisións Obreiras de Galicia presentou recurso contencioso-administrativo contra o Acordo da Xunta de Goberno local de data 12 de marzo de 2020 polo que se aprobaron as bases específicas do proceso selectivo convocado para a provisión de 15 prazas de bombeiro e de 4 prazas de condutor-bombeiro, incluídas na oferta de emprego público correspondente aos anos 2017, 2018 e 2019 (expediente 34733/220), que se está tramitando ante o Xulgado do Contencioso-Administrativo número 2 de Vigo, procedemento abreviado número 172/2020. Mediante este anuncio e para os efectos da publicidade exixida polo artigo 47.2 da Lei 29/1998, do 13 de xullo, reguladora da xurisdición contencioso-administrativa, en redacción dada pola Lei 13/2009, do 3 de novembro, de reforma da lexislación procesual, emprázanse as posibles persoas interesadas que desexen comparecer no proceso indicado.
Vigo, 7 de setembro de 2020
O alcalde
P.D. (Decretos do 18.6.2019, 26.6.2019 e 2.9.2019 e acordos da Xunta
de Goberno local do 20.6.2019, 4.7.2019 e 5.9.2019)
Elena Espinosa Mangana
Tenente de alcalde e concelleira delegada da Área de Empresa,
Economía, Seguridade e Organización Municipal