A Fundación Deporte Galego, tendo en conta que nos seus fins prevé o fomento da actividade física e do deporte base e de alta competición en Galicia, pon en marcha a I Edición do Plan de patrocinio dos equipos de alta competición femininos de 1º máximo nivel estatal de Galicia.

A Fundación remitiralle un correo electrónico á entidade obxecto de patrocinio no cal enviará o convite para a presentación da solicitude de patrocinio xunto co texto do plan de patrocinio.

A entidade convidada a tomar parte no procedemento DE400C presentará a solicitude obrigatoriamente por medios electrónicos a través do formulario normalizado (anexo I) dispoñible na sede electrónica da Xunta de Galicia https://sede.xunta.gal.

De conformidade co artigo 68.4 da Lei 39/2015, do 1 de outubro, do procedemento administrativo común das administracións públicas, se algunha das persoas interesadas presenta a súa solicitude presencialmente, requirirase para que a emende a través da súa presentación electrónica. Para estes efectos considérase como data de presentación da solicitude aquela en que fose realizada a emenda.

Para a presentación electrónica poderase empregar calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365) e habilitarase un enlace na Guía de procedementos e servizos co código DE400C.

O prazo máximo para a presentación das solicitudes será de cinco (5) días naturais contados desde a propia data de recepción do convite. A presentación das proposicións por unha vía diferente á sinalada será causa de rexeitamento ou exclusión.

As bases poderanse consultar na ligazón https://deporte.xunta.gal/plan-patrocinio-2020-alta-competicion-feminina. Teléfono 881 99 63 77.

Santiago de Compostela, 16 de setembro de 2020

José Ramón Lete Lasa
Presidente da Fundación Deporte Galego