Visto o expediente para outorgamento da autorización administrativa previa e da autorización administrativa de construción das instalacións eléctricas que a seguir se describen, tal e como se recollen no proxecto asinado polo enxeñeiro técnico industrial Antonio Javier Sabín Vázquez, colexiado número 2233 do Coeticor, en Ourense, o día 22.4.2020, quen achega declaración responsable de habilitación e competencia asinada con data do 24.4.2020.
Solicitante: UFD Distribución Electricidad, S.A.; CIF: A63222533.
Domicilio: A Batundeira, número 2, Velle, 32960 Ourense.
Denominación: substitución CTC Vide (32C592) por CTI.
Situación: Vide, concello de Baños de Molgas (Ourense).
Orzamento: 17.468,04 €.
Características técnicas: substitución CTC Vide (32C592) por CTI na LMT SRS805 e modificación do van final da LMT de acometida, con 31 m de condutor LA-56, entre o apoio número 95-25 existente tipo HVH-15/1.600 e final no novo apoio do tipo C-12/2.000 para o CTI proxectado, de 160 kVA de potencia aparente e r/t 20.000/400-230 V. Ampliación da RBT existente con 97 m en condutores tipo RZ 3×150 mm2 Al e RZ 3×95 mm2 Al.
Cumpridos os trámites ordenados na Lei 24/2013, do 26 de decembro, do sector eléctrico, e os regulamentarios previstos no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 5/2017, do 19 de outubro, de fomento da implantación de iniciativas empresariais, esta xefatura territorial resolve:
Conceder a autorización administrativa previa e a autorización administrativa de construción ás devanditas instalacións, cuxas características se axustarán en todas as súas partes ao proxecto arriba sinalado e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten de aplicación e, en especial, as relativas á ordenación do territorio e ao ambiente.
O prazo de posta en marcha das instalacións que se autorizan será de seis (6) meses, contados a partir da data da última autorización administrativa necesaria para a súa execución.
Contra a presente resolución poderase interpoñer recurso de alzada ante o conselleiro de Economía, Emprego e Industria no prazo dun (1) mes contado a partir do día seguinte ao da notificación ou publicación desta resolución; tamén se poderá interpoñer calquera outro recurso que se considere pertinente.
Ourense, 31 de agosto de 2020
Santiago Álvarez González
Xefe territorial de Ourense